नेपाल स्टक एक्सचेञ्जले स्वदेशी लघुवित्तको १५ प्रतिशत बोनसपछि सेयरमूल्य समायोजन गरेको हो । स्वदेशीको बोनसपछि ३१० रुपैयाँ समायोजित सेयरमूल्य कायम भएको छ । कम्पनीको औसत आधारमूल्य २०५ रुपैयाँ रहेको छ ।
स्वदेशी लघुवित्तले गत आर्थिक वर्षमा दुई करोड ३९ लाख ६३ हजार रुपैयाँ खुद नाफा कमाएर प्रतिसेयर आम्दानी ३२ रुपैंया ४८ पैसा कायम गरेको थियो । तीन लाख कित्ता आईपीओ जारी गरेपछि कम्पनीको चुक्ता चुक्ता पूँजी सात करोड रुपैंयाबाट बढेर १० करोड रुपैयाँ पुगेको छ । लघुवित्तको १५ प्रतिशत बोनपछि चुक्ता पूँजी ११ करोड ५० लाख पुग्नेछ ।
उता ओरियण्टल होटलले वितरण गरेको १८ प्रतिशत बोनस सेयरलाई समायोजन गर्दा कम्पनीको सेयरमूल्य ७५४ रुपैयाँ कायम भएको नेप्सेले जनाएको छ । कम्पनीको औसत आधारमूलय ६१७ रुपैयाँ रहेको छ ।
ओरियण्टल होटल्स् लिमिटेडले गत आवमा २२ करोड ६९ लाख रुपैयाँ खुद नाफा कमाएर प्रतिसेयर आम्दानी २८ रुपैयाँ ५५ पैसा कायम गरेको छ ।
हाेटलले कात्तिक २३ गते नेपाल प्रशासनिक प्रशिक्षण केन्द्र, जावलाखेलमा ११ बजेदेखि वार्षिक साधारण सभा बोलाएको छ । जसमा १८ प्रतिशत बोनस शेयर तथा कर प्रयोजनार्थ ६.२१ प्रतिशत नगद लाभांस दिने प्रस्ताव गरेको छ । त्यस्तै १८ प्रतिशत बोनस शेयर तथा कर प्रयोजनार्थ ६.२१ प्रतिशत नगद लाभांस समेत छ ।
होटलको बोनस कातिक ८ गतेसम्म कायम रहेका सेयरधनीले पाउनेछन् । होटलको हालको चुक्ता पूँजी ७९ करोड १७ लाख रूपैयाँ छ । प्रस्ताव गरिएको बोनस शेयर वितरणपछि चुक्ता पूँजी ९३ करोड ४२ लाख रुपैयाँ पुग्ने छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
