टुरिजम् को सातौ बार्षिक साधारण सभा मंसीर ४ गते कार्की बैकट बबरमहलमा हुने भएको छ । टुरिजम्ले साबिकको मातृभूमि बिकास बैक र कालिञ्चाेक डेभलपमेण्ट बैकको गरी १७ करोड १० लाख ७७ हजार ५ सय रुपैयाँको बोनस सेयर वितरण गर्ने प्रस्ताव गरेको छ ।
टुरिजम्को चुक्ता पुँजीको २ अर्ब २३ लाख छ । बोनसपछि बैंकको पूँजी २ अर्ब १७ करोड ३३ लाख नाघ्नेछ ।
यसैगरी साधारण सभामा मेगा बैकसँगको मर्जर प्रस्ताव समेत पारित गरिने भएको छ । मर्जरका लागि दुबै बैंकको चलअचल सम्पत्ति दायित्व तथा कारोबार मूल्याँकन प्रतिवेदन (डीडीए) टुरिजम्का १ सय रुपैयाँको शेयर बराबर मेगामा ९५ रुपैयाँ हुने गरीस्वाप रेसियो कायम गर्न सभामा प्रस्ताव पेश गर्नेछ ।
मेगा बैंकको ६५ प्रतिशत हकप्रद निष्काशन पुरा भएपछि यी दुई बैंकको मर्जर प्रकृया अगाडी बढ्न लागेको हो। मेगाले ६५ प्रतिशत हकप्रद शेयर निष्काशन गरी चुक्तापुँजी ७ अर्ब ५६ करोड रुपैयाँ पुर्याएको छ । गत आर्थिक वर्षको नाफाबाट बोनस सेयर वितरणपछि मर्जरबिनै मेगा बैंकको चुक्तापुँजी ८ अर्ब रुपैयाँ पुग्नेछ ।
टुरिजम् र मेगा बैंक गाभिएपछि बन्ने मेगा बैंकको चुक्तापूँजी झण्डै साँढे दश अर्ब पुग्ने देखिन्छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
