बैंकले चालु आर्थिक वर्षको असोज मसान्तमा ८ करोड ११ लाख ९२ हजार रुपैंया खुद नाफा कमाएको छ । गत आर्थिक वर्षको यसै अवधिमा बैंकले १४ करोड ६९ लाख ४७ हजार रुपैंया खुद नाफा कमाएको थियो ।
समीक्षा अवधिमा बैंकको चुक्ता पूँजी तीन अर्ब २४ करोड ५ लाख रुपैंयाबाट बढे र चार अर्ब ५८ करोड २३ लाख रुपैंया पुगेको छ । यसरी पूँजी बढ्दा कमाई घटेका कारण बैंकको प्रगति सुस्त बनेको हो ।
गत आर्थिक वर्षको पहिलो त्रैमासमा १८ रुपैंया १३ पैसा कायम भएको प्रतिसेयर आम्दानी अहिले ६ रुपैंया ८८ पैसामा झरेको हो । अहिले बैंकले ६५ प्रतिशत हकप्रद निष्काशन गरिरहेको छ । हकप्रद पश्चात बैंकको चुक्ता पूँजी ७ अर्ब ५६ करोड ८ लाख रुपैंया पुग्छ । यो पूँजीका आधारमा बैंकको अहिलेको कमाईबाट प्रतिसेयर आम्दानी हेर्ने हो भने लगानीकर्ताले बैंकबाट प्रतिफल पाउने आश नगर्नु उचित हुन्छ । किनकी त्यसबेला बैंकको प्रतिसेयर आम्दानी ४ रुपैंया हाराहारी हुनेछ । यसको जवाफ बैंकका प्रमुख कार्यकारी अधिकृत अनिल केशरी शाहले पनि दिन सक्ने अवस्था देखिन्न । बैंकिंग क्षेत्रमा औधि नाम कमाए पनि मेगाको हकमा शाह असफल भएको यो वित्तीय बिवरणले पुष्टि गर्छ ।
बैंकको प्रतिसेयर नेटवर्थ १२९ रुपैंया ८० पैसा रहेको बैंकको मूल्य आम्दानी अनुपात ६६.५७ गुणा बढी रहेको छ । टुरिजम विकास बैंकसँग मर्जरको प्रकृयामा रहेको बैंक टुरिजमको सहयोगमा केही आश लाग्दो बन्ला कि भन्ने अपेक्षा गर्न सकिन्छ ।
३९ अर्ब रुपैंया निक्षेप संकलन गर्दा ३५ अर्बको मात्र कर्जा प्रवाह गरेका कारण बैंकको सिसिडी ७८ प्रतिशत माथि छ । यो अवस्थामा बैंकले थप कर्जा प्रवाह गर्न सक्दैन । निक्षेप संकलनलाई पहिलो प्राथमिकतामा राख्नु पर्ने भएकाले बैंकले व्यवशाय गरेर नै उल्लेख्य प्रगति गर्ने अवस्था छैन । यो अवस्थामा टुरिजमलाई पनि मेगासँगको मर्जर निकल्नु न ओकल्नु हुने निश्चित छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................