बैंकले शुक्रबार प्रकाशित गरेको प्रथम त्रैमासिक प्रतिवेदनमा बैंकको आम्दानी मूख्य स्रोत खुद व्याज आम्दानीमा १५.८७ प्रतिशत तथा सञ्चालन नाफामा २७.८५ प्रतिशतले गिरावट आएपछि ग्लोबलको हविगत समेत अन्य बैंकजस्तै बन्न पुगेको छ । उसको खुद आम्दानी बढाउँदै लग्नुपर्नेमा उल्टो खुद नाफा १६ प्रतिशको पहिरो गएको छ । खुद नाफामा आएको गिरावटले बैंकको प्रतिसेयर आम्दानी ६ रुपैयाँले घटेर १७ रुपैयाँ ४८ पैसामा झरेको छ ।
यस अवधिमा बैंकको चुक्ता पूँजी १३ प्रतिशतले बढेर ८ अर्ब ८ करोड पुगेको छ । बैंकको निक्षेप संकलन र कर्जा परिचालनमा समान्य ३०.६१ प्रतिशत र ३२.१७ प्रतिशतको वृद्धि देखिएको छ ।
ग्लोबल आईएमई बैंकले चालु आर्थिक बर्षको प्रथम त्रैमासिक अवधिमा ३५ करोड ५२ लाख रुपैयाँ खुद नाफा आर्जन गरेको छ । बैंकको यो नाफा गत बर्षको प्रथम त्रैमासको तुलनामा १६.१० प्रतिशतले कम हो । समीक्षा अवधिमा बैंकले एक खर्ब चार अर्ब ९४ करोड रुपैयाँ निक्षेप संकलन गरि ८८ अर्ब ७७ करोड रुपैयाँ बराबरको कर्जा परिचालन गरेको छ ।
रिलायबल डेभलपमेन्ट बैंकलाई प्राप्ती गरेपछि बैंकको जगेडा कोष एक अर्ब ९७ करोडबाट चार अर्ब ४२ करोड रुपैयाँमा बढेको छ । बैंकको प्रतिसेयर नेटवर्थ १५४ रुपैयाँ, पूँजीकोष अनुपात ११.७० प्रतिशत, कर्जा निक्षेप अनुपात ७७.३५ प्रतिशत र मूल्य आम्दानी अनुपात २२ गुणा रहेको छ । बैंकको कोषको लागत ३ प्रतिशतबाट बढेर ७ प्रतिशतमा उक्लेको छ जसलाई बैंकले सन्तुलन गर्न नसकेको देखिन्छ ।
निष्कृय कर्जा अनुपात १.५७ प्रतिशतमा घटाए पनि बैंकको संम्भावित जोखिम कोष वापतको रकम ४.५३ प्रतिशतले बढेर १६ करोड ५६ लाख रुपैयाँ पुगेको छ । उसले यस अवधिमा ८ करोड १३ लाख रुपैयाँ राईट व्याक गरेको छ । जुन गत बर्ष यसै अवधिको तुलनामा २ करोड ६२ लाख रुपैयाँले कम हो ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
