नेप्सेले २० प्रतिशत बोनसलाई समायोजन गरि प्रुडेन्सियल इन्स्योरेन्सको प्रतिकित्ता ११९० रुपैयाँ मूल्य कायम भएकाे जनाएकाे छ । यसअनुसार कम्पनीको सेयर कारोबार आईतबार प्रतिकित्ता ११९० रुपैयाँलाई आधार मानेर खुला हुनेछ । इन्स्योरेन्सको १८० दिनको सेयरमूल्यको आधारमा औसत आधारमूल्य ९६२ रुपैयाँ कायम भएको नेप्सेले जनाएको छ ।
प्रुडेन्सियल इन्स्योरेन्सले २० प्रतिशत बोनस पारित गर्न मंसिर १ गते होटल इच्छा सिमरामा १६ औं बार्षिक साधारण सभा डाकेको छ । यो बोनस कात्तिक १६ गते बिहीबारसम्म कायम रहेका लगानीकर्ताले मात्र प्राप्त गर्नेछन् ।
४२ करोड ७६ लाख ८० हजार रुपैयाँ चुक्ता पूँजी रहेको प्रुडेन्सियलको २० प्रतिशत बोनसपछि ५१ करोड ३२ लाख १६ हजार रूपैयाँ पुग्नेछ । इन्स्योरेन्सले गत आवमा १७ करोड १३ लाख रुपैयाँ खुद नाफा आर्जन गरेको थियो ।
कम्पनीले धितापत्र बोर्डमा ३० प्रतिशत बराबरको १२ लाख ८३ हजार ४० कित्ता हकप्रद निष्काशन गर्न धितोपत्र बोर्डमा निवेदन दिएको छ । उक्त हकप्रद स्वीकृत भएको खण्डमा कम्पनीको चुक्ता पूँजी ६४ करोड १५ लाख २० हजार रुपैयाँ पुग्नेछ ।
बीमा समितिको निर्देशन अनुरूप कम्पनीले २०७५ असार मसान्तमा एक अर्ब पूँजी कायम गर्नु पर्नेछ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
