बैंकले प्रकाशित गरेको चालु आर्थिक बर्षको पहिलो वित्तीय विवरण अनुसार बैंकको प्रतिसेयर आम्दानी बैंकको प्रतिशेयर आम्दानी १६ रुपैयाँ ९७ पैसा छ । जून गत आर्थिक बर्षको भन्दा झण्डै आधा हो । गतबर्षको पहिलो त्रैमासको बैंकको प्रतिसेयर आम्दानी ३२ रुपैयाँ ९६ पैसा रहेको थियो ।
पूँजी वृद्धिको अनुपातमा बैंकको कमाई बढ्न नसकेपछि प्रतिसेयर आम्दानी उच्च गिरावट आएको हो । गतबर्षको यसैअवधिमा एक अर्ब ५८ करोड रहेको बैंकको चुक्तापूँजी २ अर्ब २९ करोड पुगेको छ ।
चालु आर्थिक बर्षको पहिलो त्रैमासमा कैलाश विकास बैंकले ९ करोड ७२ लाख खुद नाफा कमाएको छ । गत आर्थिक बर्षको तुलनामा यसअवधिमा बैंकको नाफा ३ करोड २९ लाख कम हो । गतबर्षको पहिले त्रैमासमा बैंकले १३ करोड खुद नाफा कमाएको थियो ।
बैंकको खुद ब्याज आम्दानीमा गिरावट आएपछि नाफा प्रभावित भएको हो । बैंकले यसअवधिमा १५ करोड ४५ लाख खुद ब्याज आम्दानी गरेको छ । जबकी गतबर्षको यसै अवधिमा २१ करोड २१ लाख ब्याज आम्दानी गरेको थियो । खुद ब्याज आम्दानी, कर्मचारी खर्च तथा संचालन मुनाफामा कमी आएपछि बैंकको आम्दानी घटेको हो ।
बैंकको प्रति सेयर नेटवर्थ १४७ रुपैयाँ ३३ पैसा रहेको छ । बैंकको सीसीडी रेसियो ७२ दशमलव ७२ प्रतिशत छ ।
यस अवधिमा बैंकको खराब कर्जा सामान्य घटेको छ । समिक्षा अवधिमा बैंकको खराब कर्जा शून्य दशमलव ९१ प्रतिशत छ । बैंकले प्रोभिजनमा १ करोड ७५ लाख रुपैयाँ राखेको छ भने १ करोड ५२ लाख खराब कर्जा उठाएको छ ।
बैंकले यस अवधिमा १८ अर्ब ६२ करोड रुपैयाँ निक्षेप संकलन गरेर १५ अर्ब ९८ करोड रुपैयाँ कर्जा लगानी गरेको छ ।
बैंकको चुक्ता पुँजी २ अर्ब २९ करोड रुपैयाँ छ भने जगेडा कोषमा एक अर्ब ८ करोड राखेकोे छ ।
बैंकले गतबर्षको कमाईबाट १९.५ प्रतिशत लाभांश वितरण गर्ने प्रस्ताव गरेको छ । बोनसपछि बैंकको पूँजी दुई अर्ब ५२ करोड पुग्नेछ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
