गत बर्षको पहिलो त्रैमासमा ९० लाख ८४ हजार रुपैयाँ खुद नाफा कमाएको फाइनान्सले यस अवधिमा ६६ लाख १३ हजार रुपैयाँ मात्र कमाउन सकेको छ । समीक्षा अवधिमा फाइनान्सको खुद नाफा २४ लाख ७१ हजार रुपैयाँले घटेको हो ।
मञ्जुश्रीले १७५ प्रतिशत हकप्रद र बोनसबाट २५ करोड ६ लाख चुक्ता पूँजीलाई ७२ करोड ४३ लाख पु¥याएको छ । फाइनान्सले पूँजी बृद्धि अनुसारको प्रतिफल कमाउन नसक्दा प्रतिसेयर आम्दानीमा पनि भारी गिरावट देखिएको छ । समीक्षा अबधिमा फाइनान्सको प्रतिशेयर आम्दानी झण्डै ११ रुपैयाँ घटेको छ । गत बर्षको पहिलो त्रैमासमा १४ रुपैयाँ ५० पैसा रहेको फाइनान्सको प्रतिशेयर आम्दानी अहिले ३ रुपैयाँ ६५ मा संकुचित भएको छ ।
समीक्षा अवधिमा फाईनान्सले ७५ लाख रुपैयाँ खुद व्याज आम्दानी बढाएर दुई करोड ९३ लाख आर्जन गरेको छ । फाइनान्सको अन्य सञ्चालन खर्च र कर्मचारी खर्च दोब्बरले बढेपछि खुद नाफामा व्यापक कटौती आएको छ ।
समीक्षा अबधिमा फाइनान्सको निष्कृय कर्जामा ठुलो सफलता हाँसिल गरेको छ । कम्पनीले ३.३३ प्रतिशतबाट १.७७ प्रतिशतमा निष्कृय कर्जा अनुपात घटाएको छ । निष्कृय कर्जा घटेपनि फाइनान्सको कोषको लागत भने ७ बाट १० प्रतिशतमा बढेको छ ।
मञ्जुश्री फाईनान्सको पूँजीकोष अनुपात १८.९६ प्रतिशत, प्रतिसेयर नेटवर्थ ११४ रुपैयाँ ४० पैसा, र मूल्य आम्दानी अनुपात ४०.८२ गुणा रहेको छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
