बैंकले चालु आर्थिक बर्षको प्रथम त्रैमासमा चार करोड ५२ लाख रुपेयाँ खुद नाफा कमाएको छ । जुन गत बर्षको यसै अवधिको तुलनामा १६ लाख ८३ हजार बढी हो ।
बैंकले खुद व्याज आम्दानी तीन करोड ९४ लाख बढाएर १२ करोड ८८ लाख पुर्याउँदा सञ्चालन नाफामा समेत तीन करोड १३ लाख रुपैयाँमा बढाएको छ । यद्यपि निक्षेपमा धेरै ब्याज दिँदा ज्योतिको पनि ब्याज खर्च दुई गुणा बढीले बढेको छ ।
राप्तिभेरी विकास बैंकलाई प्राप्ती गरेको बैंकले शतप्रतिशत हकप्रद सेयर बिक्री गरेर चुक्ता पूँजी दुई अर्ब २० करोड पुर्याएको छ । बैंकले निक्षेप संकलन सात अर्ब ९४ करोडबाट ११ अर्ब ३० करोड पुर्याएको छ ।
उसले कर्जा लगानी तर्फ ६ अर्ब ७६ करोडबाट नौ अर्ब ९८ करोड पुर्याएर प्रगतिमा लम्केको देखिएको छ । एकै दिनमा सेयर धितो कर्जा स्वीकृत गर्ने गरी बैंक आक्रामक कर्जा विस्तारमा समेत लागेको छ । बैंकको कर्जा निक्षेप अनुपात ७१ प्रतिशत रहेकाले कर्जा बिस्तार गर्न सक्ने अवस्था रहेको छ ।
बैंकको पूँजी बढेअनुपातमा नाफा बढ्न नसक्दा प्रतिसेयर आम्दानी गत बर्षको प्रथम त्रैमासको १७ रुपैयाँ ६६ पैसाको प्रतिसेयर आम्दानी ८ रुपैयाँ २१ पैसामा झरेको छ । आधार ब्याजदर १२.३० प्रतिशत रहेको ज्योतिको कोषको लागत भने ८ प्रतिशत नाघेको छ ।
निस्क्रिय कर्जा अनुपात २.१३ प्रतिशतबाट ०.८२ प्रतिशतमा झारेर आफुलाई स्वस्थ संस्थाको रुपमा अगाडि बढ्ने लय समातेको छ ।
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
