बैंकको खुद ब्याज आम्दानी १४.३६ प्रतिशत र संचालन मुनाफा २०.४९ प्रतिशतका दरले बढेको छ ।
अधिकांस बैंकले नाफा बढाउन नसकेको अवस्थामा बैंकको नाफा बढ्नु सकारात्मक पक्ष हो । तर पूँजी वृद्धिको अनुपातमा बैंकको कमाई नबढ्दा प्रतिसेयर आम्दानी भने खस्किएको छ । बैंकको प्रतिशेयर आम्दानी वार्षिक १४ रुपैया ३५ पैसा रहेको छ । गतबर्ष बैंकको प्रतिसेयर आम्दानी २१ रुपैयाँ १७ पैसा थियो ।
बैंकले यसअवधिमा आफ्नो खराब कर्जाको आकार भने घटाएको छ । बैंकको खराब कर्जा ०.४९ प्रतिशत छ । गतबर्ष बैंकको ०.५४ प्रतिशत खराब कर्जा रहेको थियो । बैंकले यस अवधिमा ३ करोड ३६ लाख खराब कर्जा उठाएको छ । सम्भावित जोखिममा ८ करोड ४३ लाख राखेको छ ।
समीक्षा अवधिमा बैंकको निक्षेप करिव २ अर्ब रुपैयाँ बढेर ६० अर्ब ३० करोड रुपैयाँ पुगेको छ । गत असारमा निक्षेप ५८ अर्ब ६२ करोड रुपैयाँ थियो । यस्तै कर्जा लगानी पनि ३ अर्ब रुपैयाँ बढेर ५४ अर्ब ४२ करोड रुपैयाँ पुगेको छ ।
गत असारमा कर्जा लगानी ५१ अर्ब ८६ करोड रुपैयाँ थियो । बैंकको निक्षेप ३.७२ प्रतिशत तथा कर्जा तथा सापटी ९.११ प्रतिशतले बढेको हो ।
बैंकले चुक्तापुँजी ४ अर्ब ६६ करोडबाट बढाएर ८ अर्ब रुपैयाँ पुर्याएको छ । उसको जगेडाकोषमा एक अर्ब २२ करोड रुपैयाँ रहेको छ ।
------------------------------------------------------------------------------------------------------------------------
................ सिद्धार्थ बैंकले ल्यायो ‘मेरो सेयर खाता’, वार्षिक ६ प्रतिशत ब्याजदर ..................
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................