यो कार्डको प्रयोगमा आएसँगै विदेश जादाँ विश्वका १६ देशमा ती देशहरुको मुद्रा एउटै कार्डमा लो गरी लैजान सकिने बैंकले जनाएको छ । यसबाट नगद विदेशी मुद्रा अभाव झेलिरहेका ग्राहकहरुलाई केही राहत मिल्नेछ भने अमेरिकि डलर सटही गरी अन्य मुद्रामा भुक्तानी गर्दा हुने विनिमयको नोक्सानी तथा नगद चोरी जस्ता जोखिमलाई समेत न्यूनिकरण हुने बैंकको भनाई छ ।
साथै बैंकले एक्सिस बैंकसँगकै सहकार्यमा भारतबाट नेपाल रेमिट्यान्स भित्र्याउने कार्यको औपचारिक शुरुवात गरेको छ। एक्सिस बैंकका ३५ सय शाखाबाट पठाएको पैसा नेपालको सेञ्चुरी बैंकबाट झिक्न सकिन्छ। ’यसबाट बैंकको ग्राहक संख्यामा बृद्धि भइ सर्वसाधारणलाई समेत सहज सेवा उपलब्ध हुने छ’ बैंकका कामु प्रमुख कार्यकारी अधिकृत जीवन भट्टराईले भने।
बैंकले चाँडै दुई वित्तीय संस्थालाई गाभेर एकिकृत कारोबार सुरु गर्दैछ। बैंकले ४० प्रतिशत हकप्रद शेयर जारि गरिसकेको छ। अब बोनस सेयर जारि गरेर चुक्ता पूँजी ८ अर्ब पुर्याउने बैंकले जनाएको छ।
------------------------------------------------------------------------------------------------------------------------
.................. १२ मेगावाट क्षमताको दोर्दीखोलाको निमार्ण तीन बर्षमा सक्ने लक्ष्य ..................
