विहीबार सूचीकृत भएको सेयरमध्ये सबैभन्दा बढी कन्काई विकास बैंक (KNBL) को ३२ लाख १० हजार हकप्रद सेयर रहेको छ । गुडविल फाइनान्स (GFCL) ले २७ लाख २२ हजार पाँच कित्ता हकप्रद सूचीकरण गराएको छ ।
त्यस्तै कामना सेवा विकास बैंक (KSBBL) को हकप्रद सेयर समेत विहीबार नै नेप्सेमा सूचीकृत भएको छ । बैंकले २४ लाख १३ हजार १३७ दशमलव ६० कित्ता सेयर सूचीकरण गराएको हो । सनराईज बैंक (SRBL) ले हकप्रदमा अवितरित भएर लिलामीमा ल्याएको ७ लाख १० हजार ७०९ कित्ता हकप्रद सेयरलाई सूचीकरण गराएको हो ।
दुई बीमा कम्पनीले भने बोनस सेयर सूचीकरण गराएका छन् । प्राइम लाईफ इन्स्योरेन्स कम्पनी (PLIC) ले १२ लाख २० हजार ४ सय कित्ता र नेपाल इन्स्योरेन्स कम्पनी (NICL) ले एक लाख ४३ हजार ८०४ दशमलव १० कित्ता बोनस सेयर पनि विहीबार नै नेप्सेमा सूचीकृत गरेको हो ।
