माछापुच्छ्रे बैंक (MBL) को ९ प्रतिशत बोनस सेयरलाई समायोजन गरि नयाँ मूल्य निर्धारण गरिएको छ । नेप्सेले बैंकको प्रतिकित्ता सेयरमूल्य २८८ रुपैयाँ कायम गरेको छ । जसको १८० दिनको सेयर कारोबारका आधारमा औसत आधार मूल्य ३६१ रुपैयाँ निर्धारण गरिएको छ ।
नेप्सेले कैलाश विकास बैंक (KBBL) को १० प्रतिशत बोनसलाई समायोजन गरि समायोजित सेयरमूल्य प्रतिकित्ता २५० रुपैयाँ निर्धारण गरेको छ । बैंकको औसत आधारमुल्य २९६ रुपैयाँ रहेको छ ।
त्यस्तै विजय लघुवित्त (VLBS) को १० प्रतिशत बोनसपछि समायोजित सेयरमूल्य ९९१ रुपैयाँ कायम भएको छ । लघुवित्तको १८० दिनको सेयर कारोबारको आधारमा औसत आधार मूल्य ७५४ रुपैयाँ निर्धारण भएको छ ।
उता २० प्रतिशत बोनसपछि समता माइक्रोफाइनान्स (SMATA) को पनि बोनसपछि सेयरमूल्य समायोजन भएको छ । उसको समायोजित सेयरमूल्य प्रतिकित्ता ४७८ रुपैयाँ रहेको छ । लघुवित्तको औसत आधार मूल्य २८९ रुपैयाँ निर्धारण भएको छ ।
शुक्रबार सेयर बजारमा कारोबार नहुने भएकाले आज समायोजन भएको चारै कम्पनीको समायोजित मूल्यलाई आधार मानेर आईतबार सेयर कारोबार खुला हुनेछ ।