नेपाल स्टक एक्सचेन्जमा यस साता १८० कम्पनीहरुको २९ हजार ३३० कारोबारबाट दुई अर्ब ९२ करोड पाँच लाख १५ हजार रुपैयाँ बराबरका ६८ लाख २७ हजार छ सय ८० कित्ता सेयरहरु खरिद बिक्री भएका छन् । अघिल्लो साता १७९ कम्पनीहरुको २९ हजार १३ कारोबारबाट दुई अर्ब ५२ करोड ६४ लाख ९० हजार रुपैयाँ बराबरका ६० लाख ५९ हजार छ सय ४० कित्ता सेयरहरु खरिद बिक्री भएका थिए ।
‘क’ वर्गका कम्पनीहरुको कारोबार मापन गर्ने सेन्सेटिभ परिसूचक पहिलो दिनको तुलनामा २.५८ अंकले बढेर ३१३.१२ अंकमा आईपुगेको छ ।
साताको पाँचै दिन कारोबार भएको बजारमा कारोबार रकमका आधारमा यस साता चिलिमे हाइड्रोपावर कम्पनीको सबैभन्दा धेरै १६ करोड १९ लाख ९० हजार रुपैयाँको सेयर कारोबार भएको छ । प्रभु बैंक लिमिटेड संस्थापक १२ करोड ६२ लाख ८० हजार, गुराँस लाइफ इन्स्योरेन्स कम्पनीको संस्थापक सेयर ११ करोड २४ लाख ३० हजार, स्ट्याण्डर्ड चार्टर्ड बैंकको १० करोड ७६ लाख र नेपाल टेलिकमले ९ करोड ३८ लाख ५० हजार रुपैयाँको कारोबार गर्दे धेरै कारोबार गर्ने पाँच कम्पनीभित्र परेका छन् ।
त्यसैगरी कारोबार भएको सेयर संख्याको आधारमा प्रभु बैंकको संस्थापक अग्रस्थानमा रहेको छ । प्रभुको ६ लाख ९८ हजार कित्ता सेयर कारोबार भएको छ भने १६ सय ९ वटा कारोबार भएको नेपाल ग्रामिण विकास बैंक कारोबार संख्याको आधारमा अग्रस्थानमा रहेको छ ।
साताकाे समूहगत परिसूचककाे उतारचढाब यसप्रकार रहेकाे छ ।
