यसअवधि राष्ट्रिय बीमा संस्थानले ९२ लाख ६२ हजार रुपैयाँ आम्दानी गरेको छ भने ४८ लाख ७५ हजार रुपैयाँ खर्च गरेको छ । गत बर्षको तुलनामा कम्पनीको आम्दानी ५३.३४ प्रतिशतले बढेको छ भने खर्च समेत १३.३४ प्रतिशतले बढेको देखिन्छ ।
१८ करोड १० लाख रुपैयाँ चुक्ता पूँजी भएको कम्पनीले जगेडा तथा कोषमा १५ करोेड ४४ लाख रुपैयाँ र जीवन बीमा कोषमा १३ अर्ब ६७ करोड ७१ लाख रुपैयाँ राखेको छ । कम्पनीले अभिकर्ता खर्चमा गत बर्षको तुलनामा १३.९९ प्रतिशत बढी (४० लाख ४३ हजार) अर्थात तीन करोड २९ लाख ५० हजार खर्च गरेको छ ।
कम्पनीले यस अबधीमा खुद बीमा शुल्कबापत ६४ करोड ६५ लाख रुपैयाँ आर्जन गरेको छ । जुन अघिल्लो बर्षको यसैअवधिको तुलनामा १३.३० प्रतिशत वा सात करोड ५९ लाख रुपैयाँ बढी हो । त्यस्तै कम्पनीले ७३ करोड १५ लाख रुपैयाँ खुद दाबी भुक्तानी गरेको छ । गत बर्षको यसैअवधिमा ५६ करोड ७४ लाख रुपैयाँ दाबी भुक्तानी गरेको थियो ।
जीवन बीमा कम्पनीहरुको प्रथम त्रैमासको बीमांकीय मुल्यांकन नभई अपरिस्कृत बित्तीय बिबरणको आधारमा मात्र प्रति सेयर आम्दानी र समग्र अबस्था झल्कन भने सक्दैन ।
