फाइनान्सले एक सय रुपैयाँ अंकित दरको २३ लाख ६ हजार ५७१ दशमलव ६० कित्ता हकप्रद सेयर बिक्री गर्न लागेको हो । हकप्रद जारी गर्नका लागि फाइनान्सले मंसिर ८ गते सेयरधनी किताब बन्द गर्देछ । यसअनुसार मंसिर ७ गतेसम्म अर्थात अाजकाे चार कार्य दिनभित्र सेयर किनेर कायम रहेका सेयरधनी वा यसअघि नै सेयरधनी रहेका लगानीकर्ताले ४५ प्रतिशत हकप्रदमा भर्न पाउनेछन् ।
रिलायन्सको सेयर निष्काशन तथा बिक्री प्रबन्धक सनराइज क्यापिटल रहेको छ । ५१ करोड २५ लाख ७१ हजार ७०० रुपैयाँ चुक्ता पूँजी रहेको रिलायन्सको हकप्रदपछि ७४ करोड ३२ लाख २८ हजार १६० रुपैयाँ पुग्नेछ ।
गत आवमा फाईनान्सले १० करोड ९८ लाख ८१ हजार रुपैयाँ खुद नाफा कमाएर प्रतिसेयर आम्दानी २१ रुपैयाँ ४४ पैसा कायम गरेको छ । फाईनान्सको सेयर सोमबार प्रतिकित्ता १९० रुपैयाँ हाराहारीमा कारोबार भएको छ ।
हकप्रदपछि गत आर्थिक बर्षको नाफाबाट ६ करोड रुपैयाँको बोनस वितरण गर्दा फाईनान्सको चुक्ता पूँजी राष्ट्र बैंकले तोकेको ८० करोड रुपैयाँ पुग्नेछ ।
कहाँ कहाँ बाट दिन सकिन्छ हकप्रदमा आवेदन ?
हकप्रदमा सनराईज क्यापिटल कमलपोखरी, रिलायन्स फाइनान्स प्रदशनीमार्ग, न्युरोड तथा उपत्यका बाहिर सनराइज बैंकको शाखा कार्यालयहरु (विराटनगर, वीरगञ्ज, बुटवल, धरान, नेपालगञ्ज, लाहन, दमक र राजविराज) तथा रिलायन्स फाईनान्सका शाखाहरु –महेन्द्रपुल पोखरा, नारायणगढ, बेशीशहर, जनागाल काभ्रे, आरुघाट गोरखा र चारआली झापा) मार्फत समेत आवेदन गर्न सकिने क्यपिटलले जनाएको छ ।
उपरोक्त स्थानहरुबाट हकप्रद भर्न नसक्ने सेयरधनीले फाइनान्स वा विक्री प्रबन्धकको वेभसाईटबाट फारम डाउनलोड गरेर भरी सनराइज क्यापिटल लिमिटेडको नाममा एकाउण्टपेयी डाफ्ट हुलाक वा कुरियर मार्फत पठाउन सकिने क्यापिटलले जनाएको छ ।