टुरजिम डेभलपमेन्ट बैंकसँग मर्जरमा जाने प्रस्ताव पारित गर्न सोमबार मेगा बैंकले बोलाएको विशेष साधारणसभामा शाहले यस्तो बताएका हुन । सेयर स्वाप रेशीयोको बिषयमा साधारणसभामा विवाद उठिरहेको र केही लगानीकर्ताले मर्जर सम्झौताको क्रममा मेगा बैंकको व्यवस्थापकहरु बाटै इन्साइडर टेड्रिगं गरिएको आक्षेपको खण्डन गर्दे शाहले यस्तो बताएका हुन् ।
साधारणसभामा केही वक्ताहरुले मेगा र टुरिजमको मर्जर सम्झौता हुने क्रममा केही संचालकहरुले भित्री कारोबार गरेर ठूलो मात्रामा सेयर होल्ड गरेको आरोप लगाएका थिए ।
मेगा बैंक स्थापनाको क्रममा नै आफु जोडिएकाले यो संस्थाप्रति आफ्नो औधी माया समेत रहेको उल्लेख गर्दे स्थापनाकालिन समयदेखि नै बैंकको केही सेयर आफु सँग रहेको उनले बताए ।
साथै उनले भोलिका दिनमा अन्य कुनै कम्पनीको सेयर नलिने उद्घोष समेत गरे । मेगा बैंक मैले जन्माएको बच्चा हो । यसमा अरु धेरै जनाले होस्टेमा हैसे गर्दै आजको दिनसम्म आईपुगेको छ । शाहले भने ।
मेगा बैंक छाड्न लागेका शाहले टुरजिमसँग मर्जरमा जानु नै लाभदायक हुने समेत बताए ।
सोमबार बोलाइएको मेगा बैंकको विशेष साधारणसभामा कोरम नपुगेपछि टुरजिमसँगको मर्जरको प्रस्ताव पारित हुन सकेन ।
