गत असार मसान्तमा इन्स्योरेन्सको चुक्ता पूँजी ३८ करोड ५२ लाख रुपैयाँ थियो । उक्त रकमको १५ प्रतिशतले हुने ५ करोड ७७ लाख ८० हजार रुपैंया बराबरको नगद लाभांस बितरण गर्ने प्रस्ताव इन्स्योरेन्स सञ्चालक समितिले गरेको हो ।
अहिले इन्स्योरेन्सले १६६.६७ प्रतिशत हकप्रद निष्काशन गरी चुक्ता पूँजी १ अर्ब २ करोड ४७ हजार रुपैयाँ पुर्याएको छ । कम्पनीले प्रस्ताव गरेको लाभांश हाल कायम चुक्ता पूँजीको ५.६६४ प्रतिशत मात्र हुन आउँछ । यस अर्थमा कम्पनीका सेयरधनीले १५ प्रतिशत नभई ५.६६४ प्रतिशत मात्र नगद लाभांस पाउँछन् ।
पछिल्लो व्यवस्था अनुसार कम्पनीहरुले प्रस्ताव गरेको लाभांस सेयरधनी पुस्तिका बन्द हुने मितिसम्म कायम सेयर धनीले पाउने छन् । जसले गर्दा इन्स्योरेन्सले हकप्रदलाई छुट्याएर लाभांस बितरण गर्न पाउँदैन ।
कम्पनीले प्रस्ताव गरेको लाभांश आगामी साधारण सभाबाट पारित भएपछि मात्र लगानीकर्ताले पाउनेछन् । इन्स्योरेन्सले गत असार २८ देखि भदौ ९ गतेसम्म १६६.६७ प्रतिशत हकप्रद बिक्री गरेको थियो । गत असोज मसान्तमा कम्पनीको प्रतिसेयर आम्दानी २ रुपैयाँ १९ पैसा कायम भएको थियो ।
१५ निर्जीवन बीमा कम्पनीहरुमा कुन कस्तो ? हेर्नुहोस् तुलनात्मक अध्ययन
