लघुवित्त कम्पनीको मंसिर ८ गते सम्पन्न सञ्चालक समिति २२१ औं बैठकले दुई करोड रुपैयाँको २० प्रतिशत अर्थात ४० लाख रुपैयाँको बोनस सेयर वितरण गर्ने निर्णय गरेको हो । उक्त बैठकले बोनसमा लाग्ने कर प्रयोजनका लागि १.०५२६ प्रतिशत बराबरको दुई लाख १० हजार ५२६ रुपैयाँ नगद लाभांश वितरण गर्ने प्रस्ताव समेत गरेको छ ।
धुलिखेल काभ्रेमा मुख्य कार्यालय रहेको १० जिल्ला कार्यक्षेत्र रहेको लघुवित्तको हाल दुई करोड रुपैयाँ चुक्ता पूँजी रहेको छ । बोनसपछि कम्पनीको पूँजी दुई करोड ४० लाख रुपैयाँ पूग्नेछ । उसले एक बराबर दुईं दशमलव पाँच कित्ता अनुपातमा ६ करोड रुपैयाँको हकप्रद सेयर जारी गरि आठ करोड ४० लाख रुपैयाँ कायम गर्न लागेको हो ।
लघुवित्तले चालु आवको प्रथम त्रैमास अवधिमा दुई लाख ६९ हजार रुपैयाँ खुद नाफा कमाएपछि प्रतिसेयर आम्दानी पाँच रुपैयाँ ४० पैसा कायम भएको छ । उसको मूल्य आम्दानी अनुपात भने २२४४ गुणा बढी रहेको छ ।
