लक्ष्मी बैंकले अधिल्लो आर्थिक बर्ष २०७२/७३ मा वितरण गरेको १८.२९ प्रतिशत बोनस एक बर्ष ढिला गरि सूचीकृत गरेको हो । बैंकको एक करोड १५ लाख ६३ हजार ६५२ कित्ता सेयर सूचीकरण भएको छ । सूचीकरण सँगै सेयरधनीले लक्ष्मी बैंकको बोनस खातामा प्राप्त भएपछि सेयर कारोबार गर्न सक्नेछन् ।
ज्योति विकास बैंकले १५ लाख ७० हजार ६३७ दशमलव १० कित्ता सेयर सूचीकरण गराएको छ । बैंकले राप्तीभेरी विकास बैंक र युनियन फाइनान्स कम्पनी तर्फको सेयर सूचीकरण गराएको हो । दुबै संस्थाले ज्योतिले एक्वायर गरेको थियो ।
त्यस्तै वेष्टर्न डेभलपमेन्ट बैंकले तीन लाख १३ हजार ९२० कित्ता सेयर सूचीकरण गराएको छ । बैंकले बोनस सेयर सूचीकरण गराएको हो । बैंकको गत असार २७ गते सम्पन्न ११ औ बार्षिक साधारण सभाले चुक्ता पूँजीको १० प्रतिशत बोनस पारित गरेको थियो । सोही सेयर शुक्रबार सूचीकृत भएको हो ।
अरुण भ्याली हाईड्रोपावर कम्पनीले आठ लाख ४८ हजार १९३ कित्ता सेयर सूचीकरण गराएको छ । हाईड्रोपावर कम्पनीले गत आर्थिक बर्ष २०७२ ७३ को नाफाबाट वितरण गरेको १० प्रतिशत बोनस सेयर सूचीकृत गरेको हो । कम्पनीले समेत एक बर्षभन्दा बढी समयपछि सेयर सूचीकरण गरेको छ ।
अझै पनि केही कम्पनीहरुले अघिल्लो बर्षको साधारण सभाबाट पारित बोनस सेयर एक बर्ष वितिसक्दा पनि सूचीकरण नगर्ने प्रवृत्ती देखिएको छ । यसमा नियामक निकायले ध्यान दिन जरुरी देखिन्छ । यसबाट लगानीकर्ताले लगानीको प्रतिफल समेत समयमा नै प्राप्त गर्ने वातावरणको सिर्जना हुनेछ ।
