बैंकले बुकक्लोज हुने समयभन्दा पछाडि डिम्याट गरेका वा हालसम्म भौतिक रुपमा नै सेयर ग्रहण गरेका सेयरधनीलाई डिम्याट गराएपछि खातामा नै जम्मा गरिने भएकाले अबिलम्ब हितग्राही खाता खोल्न आग्रह गरेको छ । भौतिक सेयर धारण गर्ने सेयरधनीको हकमा आफुसँग भएको सेयर अभौतिकिकरण गरेपछि मात्र हकप्रद सेयर खातामा जम्मा गरिने बैंकले जनाएको छ ।
हालसम्म हितग्राही खाता नखोलेका सेयरधनीले नजिकको कुनै पनि धितोपत्र निक्षेप सदस्य वा बैंकको सेयर विक्री प्रबन्धक सिद्धार्थ क्यापिटल वा सिद्धार्थ बैंकमा हितग्राही खाता खोल्न सकिने बैंकले जनाएको छ ।
कन्काई विकास बैंकले एक बराबर २ दशमलव १४ अनुपातमा ३२ लाख १० हजार कित्ता हकप्रद सेयर गत साउन ९ देखि भदौ ११ गतेसम्म बिक्री गरेको थियो ।
४१ करोड ६० लाख रुपैयाँ चुक्ता पूँजी रहेको कन्काईले चालु आर्थिक वर्षको पहिलो त्रैमासमा ३४ लाख ६६ हजार रुपैयाँ खुद नाफा कमाएर प्रतिसेयर आम्दानी ८३ पैसा कायम गरेको छ ।
