बैंक सञ्चालक समितिले मंसिर ९ गते साधारण सभाको मिति तोकेपनि १२ गतेमात्र नेप्सेमा जानकारी दिएपछि नेप्सेले कारोबार रोक्का गरेको हो । बैंककाे स्पष्टिकरण र अनुसन्धान पछाडि मात्र बैंककाे सेयर काराेबार खुला हुनेछ ।
बैंकले गत आर्थिक बर्षको नाफाबाट सेयरधनीलाई २० प्रतिशत बराबरको ८ करोड ४९ लाख ४४ हजार ७०० रुपैयाँ बराबरको बोनस तथा ५.४० प्रतिशत नगद लाभांश वितरण गर्ने प्रस्ताव गरेको छ ।
पुस १५ गते बैंकको केन्द्रीय कार्यालय जनकपुरधाममा दिउँसो १ बजे डाकिएको १४ औं बार्षिक साधारण सभाका लागि बैंकले मंसिर २८ गतेदेखि सेयरधनी किताब बन्द गर्ने भएको छ । यसअनुसार बैंकको लाभांश मंसिर २७ गतेसम्म कायम सेयरधनीले मात्र प्राप्त गर्नेछन् ।
बैंकको अहिले ४२ करोड ४७ लाख २३ हजार चुक्ता पुँजी रहेको छ । २० प्रतिशत बोनसपछि बैंकको चुक्ता पुँजी ५० करोड ९६ लाख ६८ हजार रुपैयाँ पुग्नेछ ।
गत आवमा १३ करोड आठ लाख रुपैयाँ खुद नाफा कमाएको सहयोगीले चालु आवको पहिलो त्रैमासमा भने एक करोड एक लाख रुपैयाँ खुद नोक्सानी व्यहोरेको छ ।