तिनाउको ११ औँ वार्षिक साधारण सभा पुस ८ गते क्लब डेनोभो प्रा.लि., बुटवलमा हुने भएको छ । सभाको विशेष प्रस्तावमा १० प्रतिशत बोनस शेयर तथा ५ प्रतिशत नगद लाभांश वितरण गर्ने प्रस्ताव गरेको छ ।
साधारण सभा प्रयोजनको लागि बैंकले मंसिर २० गते बुक क्लोज गर्ने भएको छ । बैंकको प्रस्तावित लाभांस पाउन मंसिर १९ गतेसम्म सेयरधनी कायम हुनुपर्नेछ ।
बैंकको चुक्ता पूँजी ४६ करोड आठ लाख ४९ हजार रुपैयाँ छ । बोनसपछि बैंकको चुक्ता पूँजी झण्डै ५३ करोड रुपैयाँ पुग्नेछ ।
बुटवलमा केन्द्रीय कार्यालय रही तीन जिल्ला कार्यक्षेत्र रहेको बैंकको बोनसपछि राष्ट्र बैंकले तोकेको पूँजी पुग्नेछ । तीन जिल्ले विकास बैंकले ५० करोड रुपैयाँ चुक्तापूँजी पुर्याउनु पर्ने व्यवस्था छ ।
सहयोगीको साधारण सभा पुस १५ गत, २४.५ प्रतिशत लाभांश प्रस्ताव
सहयोगी विकास बैंकको १४ औँ वार्षिक साधारण सभा पुस १५ गते बैंकको केन्द्रीय कार्यालय, जनकपुरधाममा हुने भएको छ । बैंकले साधारणसभाबाट २० प्रतिशत बोनस शेयर तथा ४.५० प्रतिशत नगद लाभांशको प्रस्ताव पारित गर्नेछ ।
साधारण सभा प्रयोजनको लागि बैंकले मंसिर २८ गतेदेखि पुस १५ गतेसम्म बुक क्लोज गर्ने भएको छ । बैंकको प्रस्तावित लाभांस पाउन मंसिर २७ गतेसम्म सेयरधनी कायम हुनुपर्नेछ ।
हाल बैंकको चुक्ता पूँजी ४२ करोड ३० लाख रुपैयाँ रहेको छ । २० प्रतिशत बोनसपछि बैंकको चुक्ता पूँजी ५० करोड ७७ लाख रुपैयाँ पुग्नेछ ।