नेकोले दुई बराबर एक कित्ता अनुपातमा ३९ लाख २० हजार ९२८ कित्ता हकप्रद सेयर विक्री गर्न अनमुति माग गरेको हो ।
हकप्रद निष्काशन गर्नका लागि एनएमबि क्यपिटललाई बिक्री प्रबन्धक तोकिएको छ ।
गत बर्षको १० प्रतिशत बोनसपछि इन्स्योरेन्सको चुक्ता पूँजी ७८ करोड ४१ लाख रुपैयाँ पुगेको छ । प्रस्तावित हकप्रद विक्रीपछि नेकोको चुक्ता पूँजी एक अर्ब १७ करोड ६२ लाख नाघ्नेछ ।
असोज १० गते सम्पन्न २२ औ बार्षिक साधारणसभाले चुक्ता पूँजीको ५० प्रतिशत हकप्रद प्रस्ताव पारित गरेको थियो ।
बीमा समितिले २०७५ असार मसान्तसम्ममा निर्जीवन जीवन बीमा कम्पनीलाई न्यूनतम एक अर्ब तथा जीवन बीमा कम्पनीलाई दुई अर्ब चुक्ता पूँजी कायम गर्न निर्देशन गरेको थियो ।
चालु आवको प्रथम त्रैमासमा कम्पनीले तीन करोड ६१ लाख रुपैयाँ खुद नाफा कमाएर प्रतिसेयर आम्दानी वार्षिक २० रुपैयाँ ३० पैसा कायम गरेको छ ।
