बीमा समितिले तोकेको न्यूनतम चुक्ता पूँजी कायम गर्न प्रुडेन्सियलले ३० प्रतिशत हकप्रद जारी गर्न लागेको हो । कम्पनीले हकप्रद जारी गर्न एनआईसी एशिया क्यापिटललाई विक्री प्रबन्धक नियुक्ति गरेको छ ।
४२ करोड ७६ लाख ८० हजार चुक्ता पूँजी रहेको इन्स्योरेन्सले १० बराबर ३ कित्ता अनुपातमा १२ लाख ८३ हजार ४० कित्ता हकप्रद सेयर बिक्री गर्न लागेको हो । हकप्रदपछि कम्पनीको चुक्ता पूँजी ५५ करोड ६० लाख रुपैयाँ पुग्नेछ ।
मंसिर १ गते शुक्रबार सम्पन्न कम्पनीको १६औं वार्षिक साधारणले २० बोनस सेयर वितरण गर्ने प्रस्ताव पारित गरेको छ । बोनस पूँजीकरण गर्दा ६४ करोड १५ लाख रुपैयाँ चुक्ता पूँजी नाघ्नेछ ।
कम्पनीले चालु आवको प्रथम त्रैमासमा दुई करोड ५२ लाख ३८ हजार रुपैयाँ खुद नाफा कमाएर प्रतिसेयर आम्दानी २३ रुपैयाँ ६० पैसा कायम गरेको छ । कम्पनीको प्रतिकित्ता सेयरमूल्य बुधबार प्रतिकत्ता ११७४ रुपैयाँ छ ।
