दुबै कम्पनीले शुक्रबार साधारण सभाका लागि सेयरधनी किताब बन्द गर्ने भएकाले बोनस प्राप्त गर्न विहीबारसम्म सेयरधनी कायम भएको हुनुपर्छ ।
नेशनल माईक्रोफाइनान्सले मंसिर २७ गते लाभांश पारित गर्न चौथो बार्षिक साधारण सभा आह्वान गरेको छ । २० प्रतिशत बोनसपछि लघुवित्तको पूँजी १२ करोड रुपैयाँ पुग्नेछ ।
उता हिमालयन डिष्ट्रीलरीले पनि २१.०५ प्रतिशत नगद लाभांश पारित गराउन मंसिर २९ गते १७ औ बार्षिक साधारण सभा आह्वान गरेको छ ।
चालु आवको प्रथम त्रैमासमा नेशनलले एक करोड ९७ लाख रुपैयाँ खुद नाफा कमाएर प्रतिसेयर आम्दानी ६५ रुपैयाँ ७४ पैसा कायम गरेको छ । दुई करोड ४६ लाख रुपैयाँ खुद नाफा कमाएको हिमालयन डिष्ट्रीलरीको प्रतिसेयर आम्दानी बार्षिक २५ रुपैयाँ ५२ पैसा रहेको छ ।
बुधबार नेशनल माईक्रोफाइनान्सको सेयर प्रतिकित्ता ३०८० रुपैयाँ तथा हिमालयन डिष्ट्रलरीको १२४९ रुपैयाँमा कारोबार भएको छ ।