उक्त शाखाको उद्घाटन प्रमुख अतिथि राप्ती गाँउपालिका प्रमुख नुमानन्द सुवेदीे तथा बैंक सञ्चालक समितिका अध्यक्ष हरि चन्द्र खड्काले संयुक्त रुपमा गरेको हुन् । यो शाखा सहित दाङमा यस बैंकको ४ बटा शाखा कार्यालय पुगेका छन् ।
बैंक संचालक समितिका अध्यक्ष हरि चन्द्र खड्काले बैंकले सामाजिक उत्तरदायित्व र सेवा भावलाई जोड दिँदै वित्तीय पहुँच नपुगेका स्थानहरुमा शाखा विस्तार गर्दै लगिने बताए ।
बैंकले करिब १२ अर्ब ६१ करोड रुपैयाँ निक्षेप संकलन तथा १० अर्व ८७ करोड रुपैयाँ कर्जा प्रवाह गरेको छ । राप्तीभेरी विकास बैंकलाई प्राप्ति (एक्विजिशन) गरे पश्चात बैंकको चुक्ता पूँजी २ अर्व ३७ करोड पुगेको छ । गत आवको नाफाबाट बोनस शेयर वितरण गरी नेपाल राष्ट्र बैंकले राष्ट्रियस्तरको विकास बैंकलाई तोकेको चुक्ता पूँजी पुग्नेछ ।
२०६५ साल श्रावण ९ गतेबाट राष्ट्रियस्तरको विकास बैंकको रुपमा संचालनमा आएको ज्योतीले ४६ वटा शाखा कार्यालय र १४ वटा एटिएम मार्फत बैंकिङ्ग सेवा प्रदान गर्दे आईरहेको छ ।
विभिन्न निक्षेप योजना तथा कर्जा सुविधा सहित एविविएस, आश्वा लगायतका सम्पुर्ण आधुनिक बैकिंङ्ग सेवा प्रदान गर्दे आईरहेको छ । साथै बैंंकले स्थानीय स्तरमा कृषि उत्पादन, पशुपालन, फलफूल खेती, उद्योग, व्यापार व्यवसाय समेतमा केन्द्रित गरी लघुवित्त कार्यक्रम समेत संचालन गर्दे आएको छ ।
