प्रुडेन्सियल इन्स्योरेन्स (PICL) ले जारी गर्न लागेको ३० प्रतिशत हकप्रदलाई समायोजन गरि नयाँ मूल्य निर्धारण गरिएको हाे ।
इन्स्योरेन्सको समायोजित सेयरमूलय ९६८ रुपैयाँ कायम भएको नेप्सेले जनाएको छ । जसको १८० दिनको सेयर कारोबारको आधारमा औसत आधारमूल्य ९६५ कायम भएको छ ।
कम्पनीले मंसिर १५ गते बुकक्लाेज गरेकाले इन्स्योरेन्सको हकप्रद मंसिर १४ गतेसम्म कायम सेयरधनीले मात्र भर्न पाउनेछन् ।
उता नेशनल माइक्रोफाइनान्स (NMFBS) ले गत आर्थिक बर्षमा वितरण गरेको २० प्रतिशत बोनसपछि २६२१ रुपैयाँ निर्धारण गरिएको छ । लघुवित्तको १८० दिनको सेयर कारोबारको आधारमा औसत आधारमूल्य १३६० रुपैयाँ कायम भएको नेप्सेले जनाएको छ ।
लघुवित्तले मंसिर २७ गते धादिङबेशीमा डाकेकाे चाैथाे बार्षिक साधारणले २० प्रतिशत बाेनस पारित गर्देछ । लघुवित्तकाे बाेनस समेत मंसिर १४ गतेसम्म कायम सेयरधनीले मात्र प्राप्त गर्नेछन् ।
गण्डकी विकास बैंक (GDBL) को २५ प्रतिशत हकप्रदको मूल्य समायोजन समेत सोमबार नै भएको छ । बैंकको हकप्रदलाई समायोन गर्दा प्रतिकित्ता सेयरमूल्य २७६ रुपैयाँ निर्धारण भएको छ । बैंकको औसत आधारमूल्य ३४७ रुपैयाँ रहेको छ ।
बैंकले मंसिर १५ गते बुकक्लाेज गरेकाले मंसिर १४ गतेसम्म कायम सेयरधनीले मात्र हकप्रद भर्न पाउनेछन् ।