किसान माइक्रोफाइनान्सले मंसिर १३ गतेदेखि सर्बसाधारण समूहको १ हजार ३५१ कित्ता सेयरको लिलामीमा आवेदन खुला गरेको थियो । लिलामीको सेयरमा मंसिर १९ गतेसम्म आवेदन गर्न सकिनेछ ।
ईच्छुक लगानीकर्ताले लगानीकर्ताले न्यूनतम १०० रुपैयाँलाई आधार मानेर बोलपत्र पेश गर्न सक्ने बिक्री प्रबन्धक सिभिल क्यापिटलले जनाएको छ ।
माइक्रोफाइनान्सको लिलामी सेयरका लागि सिभिल क्यापिटलको कार्यालय सुन्धारा, सिभिल बैंकका विराटनगर, वीरगञ्ज, नारायणगढ, पोखरा बुटबल र नेपालगञ्ज शाखाबाट पनि आवेदन गर्न सकिनेछ ।
सानिमा माई हाइड्रोको बुधबार अन्तिम
त्यस्तै सानिमा माई हाइड्रोपावर कम्पनीले लिलामीमा राखेको एक लाख ४६ हजार ५९२ कित्ता सेयरमा आवेदन गर्ने समय बुधबारसम्म बढाएकाे छ । सरकारले सार्वजनिक विदा घाेषणा गरेपछि हाइड्रोले एक दिन समय थप गरेकाे हाे ।
कम्पनीले मंसिर ११ गतेदेखि आवेदन खुला गरेको थियो । यस लिलामीमा विक्री प्रबन्धकको काम सनराइज क्यापिटलले गरेको छ । इच्छुक लगानीकर्ताले न्यूनतम एक सय रुपैयाँ वा सोभन्दा बढी मूल्य अंकित गरि मंसिर १९ गतेसम्म लिलामीमा आवेदन भर्न सक्नेछन् ।
शिलबन्दी बोलपत्र पेश गर्दा न्यूनतम एक सय कित्तादेखि अधिकतम सबै कित्ताका लागि आवेदन गर्न सकिनेछ । ५० हजार रुपैयाँ भन्दा बढीको आवेदन गर्ने आवेदकले गुड फर पेमेन्ट चेक मार्फत आवेदन गर्नुपर्नेछ ।
लिलामी आवेदन काठमाडौं उपत्यकाभित्र सनराइज क्यापिटल कमलपोखरीमा तथा उपत्यका बाहिर सनराइज बैंकको शाखा कार्यालयहरु विराटनगर, वीरगञ्ज, पोखरा, बुटवल, नेपालगञ्ज, सुर्खेत र धनगढीमा बुझाउन सक्नेछन् ।
