बैंकले हाल कायम चुक्ता पूँजीको दश प्रतिशतले हुन आउने २२ करोड ८ लाख ६३ हजार ४२० रुपैयाँ बोनस वापत वितरण गर्नेछ । बैंकले प्रस्ताव गरेको लाभांस राष्ट्र बैंकको स्वीकृति पश्चात बैंकको साधारणसभाले पारित गरेपछि लगानीकर्ताले पाउनेछन ।
ज्योतिको चुक्ता पूँजी २ अर्ब २० करोड छ । क्षेत्रिय स्तरको राप्तीभेरी विकास बैंकलाई प्राप्ति (एक्विजिसन) गरेको बैंकको चुक्तापूँजी दुई अर्ब ३६ करोड पुगेकोे छ । राप्तीभेरीलाई प्राप्ति (एक्विजिसन) गरेको ज्योति विकास बैंकले गत कात्तिक ८ गतेबाट एकिकृत कारोबार थालेको थियो ।
तत्कालीन राप्तभेरी विकास बैंकका सेयरधनीलाई बैंक संचालक समितिले यसअािघ नै ६ प्रतिशत अर्थात एक करोड ६ लाख बराबरको बोनस सेयर वितरण गर्ने प्रस्ताव गरेको थियो । उक्त लाभांस बैंकको साधारणसभाले पारित गर्न बाँकी छ ।
दुई बैंकको बोनस वितरणपश्चात राप्तीभेरीलाई प्राप्ति (एक्विजिसन) गरेको ज्योति विकास बैंकको चुक्तापूँजी झण्डै २ अर्ब ६० करोड पुग्नेछ ।
गत आर्थिक वर्षमा ज्योतिले २६ करोड १८ लाख तथा राप्तीभेरीले एक करोड ४७ लाख रुपैयाँ खुद नाफा कमाएका थिए ।
