बैंकले यसअघि असार ३० देखि भदौ १ गतेसम्म जारी गरेको ३९ हजार ५०० कित्ता हकप्रदमा अवितरित भएको सेयर लिलामी राखेको हो ।
सेयर लिलामीको लागि बिक्री प्रबन्धक ग्लोबल आइएमई क्यापिटल तोकिएको छ । लिलामी आवेदन बिक्री प्रवन्धक ग्लोबल आइएमई क्यापिटल, राष्ट्रिय नाचघर जमलबाट आवेदन फारम भर्न सकिने छ । काठमाडौं बाहिरका आवेदकले भने ग्लोबल आइएमई बैंकको वीरगञ्ज, विराटनगर, पोखरा, बुटवल, नेपालगञ्ज र सुर्खेत शाखाबाट आवेदन फारम भर्न र बुझाउन सक्नेछन् ।
यसैगरी कञ्चन डेभलपमेन्ट बैंकको शाखा कार्यालय धनगढीबाट पनि आवदेन फारम भर्न र बुझाउन सकिने छ । तोकिएका सबै संकलन केन्द्रहरुबाट बोलकबोल आवेदन विक्री प्रबन्धकको कार्यालयमा प्राप्त भएपछि बोलपत्र खुला गरिने मिति, समय र स्थानको जानकारी दिने उल्लेख छ ।
चालु आर्थिक वर्षको पहिलो त्रैमाससम्ममा कञ्चनको चुक्ता पुँजी ४४ करोड ८९ लाख ९३ हजार रुपैयाँ छ । उसले यस अवधिमा एक करोड रुपैयाँ खुद नाफा कमाएर प्रतिसेयर आम्दानी ८ रुपैयाँ ९७ पैसा कायम गरेको छ । बैंकको सेयर अन्तिम पटक २३७ रुपैयाँमा कारोबार भएको छ ।