बैंकको केन्द्रीय कार्यालय, जनकपुरधाममा हुने सहयोगीको १४ औँ वार्षिक साधारण सभाले २० प्रतिशत बोनस शेयर तथा ४.५० प्रतिशत नगद लाभांशको प्रस्ताव पारित गर्नेछ ।
साधारण सभा प्रयोजनको लागि बैंकले मंसिर २८ गतेदेखि पुस १५ गतेसम्म बुक क्लोज हुने भएकाले प्रस्तावित लाभांस पाउन मंसिर २७ गतेसम्म सेयरधनी कायम हुनुपर्नेछ ।
हाल बैंकको चुक्ता पूँजी ४२ करोड ३० लाख रुपैयाँ रहेको छ । २० प्रतिशत बोनसपछि बैंकको चुक्ता पूँजी ५० करोड ७७ लाख रुपैयाँ पुग्नेछ ।
गत आवमा १३ करोड आठ लाख रुपैयाँ खुद नाफा कमाएको सहयोगीले चालु आवको पहिलो त्रैमासमा भने एक करोड एक लाख रुपैयाँ खुद नोक्सानी व्यहोरेको छ ।