रेयानले गत बर्ष मात्र ११ मिलियन डलर अर्थात् नेपाली रुपैयाँ १ अर्ब १० करोड भन्दा बढी कमाई गरेका छन् ।
यु्टयूबमा रेयानको भिडियो करोडौ मानिसहरुले हेर्दै आइरहेका छन् । ६ बर्षको उक्त बच्चा रेयान टोएजरिभ्यू नामक एक यूट्यूब च्यानल चलाउने गरेका छन् । उक्त यूट्यूब च्यानलका माध्यमबाट रेयान आफ्ना दर्शकहरुलाई खेलौनाको दुनियाँमा लैजाने गर्दछन् ।
फोब्र्स म्यागेजिनले उनलाई सन् २०१७ को विश्वको सबैभन्दा बढी आम्दानी गर्ने सेलिब्रेटीको सूचीमा राखेको छ ।
सन् २०१५ मा सुरु भएको रेयान टोएजरिभ्यू का भिडियोलाई अहिलेसम्म १६ अर्ब भन्दा बढी मानिसहरुले हेरिसकेका छन् । तर यति विख्यात हुदाँहुदै पनि विश्वका धेरै मानिसहरु उनका बारेमा जानकार छैनन ।
उनको पूरा नाम के हो र उनी कहाँ बस्छन् ? यस्ता प्रश्नको जवाफ थोरै मानिसलाई थाहा छ । केवल यति मात्र थाहा छ कि उनी अमेरिकी हुन् ।
हालैमा वाशिंगटन पोस्टलाई दिएको अन्तवार्तामा रेयान की ममीले भनिन्, यूट्यूब च्यानलकाको सोच तब आयो जब रेयान तीन बर्षको थियो । रेयान सानो उमेरदेखि नै खेलौनाको रिभ्यूवाला टीभी च्यानल धेरै नै हेर्ने गरेको थियो ।
रियानले अरु बच्चा सरह ऊ पनि यूट्यूब च्यानलमा देखिन चाहेकाले हामी खेलौना पसलमा गएर एउटा लीगो ट्रेन किन्यौँ र त्यहीँबाट नै रियानको कार्य सुरु भएको थियो ।
रियानको एउटा भिडियो ८० करोड भन्दा बढी मानिसहरुले हेरेका छन् । २०१५ बाट सुरु भएको रियानको यूट्यूब च्यानल सन् २०१६ को जनवरीसम्मा १० लाख भन्दा बढी सब्सक्राइबर मिलिसकेको थियो ।
हाल रेयानको यूट्यूब च्यानलका १ करोड भन्दा बढी सब्सक्राइबर रहेका छन् ।
