राजधानीमा विहीबार आयोजित एक कार्यक्रममा नेपालका लागि फिनल्याण्ड र युरोपेली संघका राजदूत क्रमशः योर्मा सुभान्तो र भिरोनिका कोडीले अनुदान सहयोगसम्बन्धी सम्झौतापत्रमा हस्ताक्षर गरेका हुन् ।
नेपाल सरकारसँगको सहकार्य र समन्वयमा उक्त आयोजनाको वित्तीय व्यवस्थापन फिनल्याण्डले गर्दै आएको छ । उक्त मुलुकले सो परियोजनामा एक अर्ब ८१ करोड ५० लाख योगदान गरेको छ । परियोजनमा नेपाल सरकारले रु तीन अर्ब चार करोड ४२ लाख लगानी गरेको छ ।
आगामी पाँच वर्षभित्र पूरा गर्ने लक्ष्यका साथ थालिएको उक्त परियोजनामा संघीय मामिला तथा स्थानीय विकास मन्त्रालय, स्थानीय पूर्वाधार विकास तथा कृषि सडक विकास विभाग (डोलिडार) ले परियोजनाका साझेदारसँग सहकार्य गरिरहेका छन् ।
प्रदेश नं ६ र ७ का १० जिल्लाका जनतामा जल आपूर्ति पहुँच सुनिश्चितता, ऊर्जा, खाद्य सुरक्षामा सुधार, आयआर्जनका अवसरमा अभिवृद्धि, विपद् अनुकूलन संरचना र जलवायु परिवर्तनका कू-प्रभावबाट जोगाउनु परियोजनाको प्रमुख उद्देश्य हो ।