हकप्रद सेयर विक्री गर्न कम्पनीले एनआईसी एशिया क्यापिटललाई विक्री प्रबन्धक नियुक्त गरेको छ ।
हकप्रद जारी गर्न इन्स्योरेन्स कम्पनीले मंसिर १५ गते सेयरधनी किताब बन्द गरेकाले मंसिर १४ गतेसम्म इन्स्योरेन्स कम्पनीको सेयरधनी बनेका सबै सेयरधनीले हकप्रद पाउनेछन् । हकप्रद भर्ने अन्तिम दिन माघ २१ गते रहेको छ ।
हकप्रदमा आस्वा सदस्यमा सहभागि रहेका सम्पुर्ण बैंक तथा वित्तीय संस्थाबाट आवेदन गर्न सकिनेछ । साथै सेयरधनीले विक्री प्रबन्धकको कार्यालय बबरमहल, र प्रुडेन्सियल इन्स्योरेन्स कम्पनीका केन्द्रीय तथा सम्पूर्ण शाखा कार्यालयबाट हकप्रदमा अावेदन गर्न सकिनेछ ।
हाल कम्पनीको चुक्ता पूँजी ४२ करोड ७६ लाख ८० हजार रहेको छ । ३० प्रतिशत हकप्रद निष्कासन पश्चात कम्पनीको चुक्ता पुँजी ५५ करोड ५९ लाख ८४ हजार रुपैयाँ पुग्नेछ । मंसिर १ गते शुक्रबार सम्पन्न कम्पनीको १६औं वार्षिक साधारणले चुक्ता पूँजी ४२ करोड ७६ लाख ८० हजार रूपैयाँकाे २० बोनस सेयर पारित गरेको छ । बोनस पूँजीकरण गर्दा ६४ करोड १५ लाख रुपैयाँ चुक्ता पूँजी नाघ्नेछ ।
बीमा समितिको निर्देशन अनुरुप ३५ करोड ८५ लाख रुपैयाँ पूँजी वृद्धि गरि २०७५ असार मसान्तसम्म कम्पनीले एक अर्ब रुपैयाँ कायम गर्नुपर्नेछ ।
चालु आवको प्रथम त्रैमासमा कम्पनीले दुर्इ कराेड ५२ लाख खुद नाफा कमाएर प्रतिसेयर आम्दानी २३ रुपैयाँ ६० पैसा कायम गरेको छ । कम्पनीको सेयर विहीबार प्रतिकित्ता ८९२ रुपैयाँमा कारोबार भएको छ । कम्पनीमा संस्थापक/साधारण सेयर अनुपात ८०:२० रहेको छ ।
