यसअनुसार पुस १३ गतेसम्म इन्स्योरेन्स कम्पनीको सेयरधनी रहेकाले कम्पनीले प्रस्ताव गरेको १५ प्रतिशत नगद लाभांश प्राप्त गर्नेछन् । बीमा समितिको निर्देशन अनुसार पूँजी तयार गरिसकेको हुनाले यस बर्ष बोनस सेयर भने कम्पनीले बितरण गरेको छैन ।
हिमालयनले गत असारमा कायम चुक्ता पूँजी ३८ करोड ५२ लाख रुपैयाँको १५ प्रतिशत (५ करोड ७७ लाख ८० हजार रुपैयाँ) नगद लाभांश बितरण गर्ने प्रस्ताव गरेको छ। तर उसले भदौ ९ गतेसम्म १६६.६७ प्रतिशत हकप्रद निष्काशन गरी चुक्ता पूँजी एक अर्ब दुई करोड ४७ हजार रुपैयाँ पुर्याएको छ ।
पछिल्लो व्यवस्था अनुसार कम्पनीहरुले प्रस्ताव गरेको लाभांस सेयरधनी पुस्तिका बन्द हुने मितिसम्म कायम सेयर धनीले पाउनेहुनाले हकप्रदलाई हिसाब गर्दा सेयरधनीले १५ प्रतिशत नभई ५.६६४ प्रतिशत मात्र नगद लाभांश पाउनेछन् ।
चालू अावकाे प्रथम त्रैमासमा दुर्इ कराेड २३ लाख रूपैयाँ खुद नाफा कमाएकाे इन्स्याेरेन्स कम्पनीकाे सेयर विहीबार प्रतिकित्ता ६०२ रूपैयाँमा काराेबार भएकाे छ ।
