नयाँ नेपाल लघुवित्तले २० प्रतिशत बोनसका साथै कर तिर्न १.०५ प्रतिशत नगद लाभांश दिने प्रस्ताव साधारण सभामा लैजादै छ ।
यसका लागि कम्पनीले पुस १२ गतेदेखि शेयरधनी दर्ता पुस्तिका बन्द गर्देछ । कम्पनीको लाभांश पाउन पुस ११ गतेभित्र नयाँ नेपालको सेयरधनी बनिसक्नुपर्नेछ । साथै कम्पनीले बोनस सेयरपछि कायम हुने चुक्ता पुँजीको २५० प्रतिशत हकप्रद सेयर जारी गर्ने प्रस्ताव पनि पेश हुनेछ ।
२० प्रतिशत बोनसपछि कम्पनीको चुक्ता पुँजी २ करोड ४० लाख रुपैयाँ पुग्नेछ । यो पुँजीमा २५० प्रतिशत हकप्रद निष्कासनपछि लघुवित्तको चुक्ता पुँजी ८ करोड ४० लाख रुपैयाँ हुनेछ ।
मिथिलाको साधारण सभा पुस २९ गते
मिथिला लघुवित्तले साधारण सभाको लागिे पुस १४ गतदेखिे बुक क्लोज हुने जनाएको छ । यसअनुसार पुस १३ सम्म लघुबित्तको सेयर किन्ने तथा साबिकका सेयरधनीले बोनस पाउनेछन ।
साधारण सभाले २५ प्रतिशत बोनसका साथै बोनसमा लाग्ने कर प्रयोजनका लागि ०.७८ प्रतिशत नगद लाभांश दिने प्रस्ताव पारित गर्नेछ । साधारण सभामा पचास प्रतिशत हकप्रद शेयर दिने प्रस्ताव पनि लगिदै छ ।
बोनस र हकप्रद शेयरपछि लघुवित्तको चुक्तापूँजी नौ करोड ८९ लाख पुग्नेछ ।
