सिद्धार्थ बैंकले चुक्ता पूँजी ६ अर्ब ६२ करोड ८८ लाख ७९ हजार रुपैयाँको १० प्रतिशत बराबरको ६८ लाख २६ हजार ११७ दशमलव १९ कित्ता हकप्रद जारी गर्न अनुमति प्राप्त गरेको हो ।
हकप्रद पश्चात चुक्ता पूँजी सात अर्ब ५० करोड ८७ लाख रुपैयाँ नाघ्नेछ । आठ अर्ब पूँजी कायम गर्न अपुग रकम बैंकले गत आर्थिक बर्षको नाफाबाट बोनस वितरण गर्नुपर्नेछ ।
यो हकप्रद तेस्रो पटक निष्काशन हुन लागेको हकप्रदका लागि अनिवार्य रुपमा क्रेडिट रेटिङ गराउनु पर्ने भएकाले ढिला गरि मात्र स्वीकृत भएको हो ।
चालु आवको प्रथम त्रैमासमा बैंकले २१ करोड ६४ लाख ४२ हजार रुपैयाँ खुद नाफा आर्जन गरेको छ । कम्पनीको सेयरमूल्य मंगलबार प्रतिकित्ता ३८२ रुपैयाँ हाराहारीमा कारोबार भैरहेको छ ।
उता पोखरा फाईनान्सको एफपीओपछि कायम चुक्ता पूँजी ६५ करोड ५७ लाख ८८ हजार २०० रुपैयाँको १५ प्रतिशत हकप्रद स्वीकृत भएको छ । फाइनान्सले ९ लाख ८३ हजार ६८२ दशमलव ७४ कित्ता हकप्रद विक्री गर्न अनुमति पाएको हो ।
हकप्रद विक्रीपछि फाइनान्सको चुक्ता पूँजी ७५ करोड ४१ लाख ५६ हजार ४३० रुपैयाँ पुग्नेछ । राष्ट्र बैंकले तोकेको न्यूनतम पूँजी कायम गर्न गत आर्थिक बर्षमा कमाएको ८ करोड ७७ लाख नाफाबाट ५ करोडको बोनस वितरण गर्नुपर्ने देखिन्छ ।
चालु आवको प्रथम त्रैमासमा फाइनान्स कम्पनीले एक करोड ४८ लाख ९५ हजार रुपैयाँ खुद नाफा आर्जन गरेको छ । कम्पनीको सेयरमूल्य मंगलबार प्रतिकित्ता २१० रुपैयाँ हाराहारीमा कारोबार भैरहेको छ ।
