गत आर्थिक बर्षमा १३ करोड ७५ लाख रुपैयाँ खुद नाफा आर्जन गरेपनि कम्पनीले कुनै लाभांश भने वितरण नगर्ने भएको छ । साधारण सभाको विशेष प्रस्तावमा लेखा परिक्षक नियुक्ति तथा निजको पारिश्रमिक निर्धारण गर्ने, आर्थिक वर्षको मुनाफाको आधारमा राष्ट्र बैंकको परिपत्र अनुसार १ प्रतिशत सामाजिक उत्तरदायित्व बहन गर्न खर्च गर्न व्यवस्था थप गर्ने रहेको छ ।
त्यस्तै बैंक तथा वित्तिय संस्था सम्बन्धि ऐन २०७३ अनुसार फाइनान्सको प्रबन्धपत्र तथा नियमावली संसोधन गर्ने र नियमनकारी निकाय बाट आएको निर्देशन अनुरुप नियमावली संसोधन गर्न सञ्चालक समितिलाई आवश्यक सम्पुर्ण अख्तियारी प्रदान गर्ने रहेको छ ।
साधारण सभाको लागि कम्पनीले पुस १४ गतेदेखि २५ गतेसम्मका लागि शेयरधनी दर्ता पुस्तिका बन्द गर्ने भएको छ । सोही अनु्सार पुस १३ गतेसम्म कारोबार भई कम्पनीको शेयर पुस्तिकामा कायम रहेका सेयरधनीहरुले मात्र साधारण सभामा भाग लिन पाउनेछन् ।
५० प्रतिशत हकप्रदपछि फाइनान्स कम्पनीको चुक्ता पूँजी राष्ट्र बैंकले ताेकेकाे न्यूनतम पूँजीभन्दा बढी ८६ करोड ७९ लाख रुपैयाँ पुगेको छ । चौथो त्रैमासिक प्रतिवेदनमा भने कम्पनीले हकप्रदमा अवितरित १० लाख ५५ हजार कित्ता सेयरको पूँजीकरण नगरि ७६ लाख २४ हजार रुपैयाँ मात्र देखाएको छ । कम्पनीको प्रतिसेयर आम्दानी १८ रुपैयाँ रहेको छ ।
