शुभेच्छा विकास र निलगिरी विकास बैंकलाई गाभेर बनेको गरिमा विकास बैंक अझै उपयुक्त संस्थामा मर्जरमा जान वा अन्य बैंक तथा वित्तीय संस्था एक्विजिशन गर्नका लागि ईच्छुक देखिएको हो ।
होटल पोखरा ग्राण्ड, बिरौटमा हुने बैंकको साधारणसभाले हाल कायम भएको चुक्ता पूँजीको १५ प्रतिशत बोनस शेयर दिने प्रस्ताव पारित गर्ने भएको छ।
साथै साधारणसभाले बैंकको शेयर संरचना परिवर्तन गर्ने र दुईजना सर्वसाधारण समुहको तर्फबाट संचालक सदस्य निर्वा्चित गर्ने भएको छ।
हाल बैंकको चुक्तापूँजी २ अर्ब २० करोड रुपैयाँ छ । १५ प्रतिशत (३३ करोड ६ लाख रुपैयाँ) बोनस वितरणपश्चात बैंकको पूँजी दुई अर्ब ५३ करोड पुग्ने छ ।
बैंकले साधारणसभा प्रयोजनका लागि पुस १४ गतेदेखि पुस २८ गतेसम्म शेयरधनी पुस्तिका बन्द गर्ने भएको छ । बैंकको लाभांस सुरक्षित गर्न पुस १३ गतेसम्म बैंकको सेयरधनी कायम हुनुपर्नेछ ।