साधारण सभा त्रिभुवन आर्मी अफिसर्स क्लब, काठमाडौंमा बिहान १० बजे सुरु हुने कम्पनीले जनाएको छ । साधारण सभाबाट लाभांसको प्रस्ताव पारित भएपछि सेयरधनीलाई वितरण गरिनेछ ।
साधारण सभा प्रयोजनका लागि कम्पनीले पुस १२ गते देखि ३० सम्म बुक क्लोज गर्ने भएको छ । कम्पनीको लाभांस पाउन पुस ११ गतेसम्म सेयरधनी कायम हुनुपर्नेछ ।
सभामा आर्थिक वर्ष २०७३/७४ को वार्षिक प्रतिवेदन, चालु आर्थिक वर्ष २०७४/७५ को लागि लेखापरीक्षक नियुक्ति गर्ने र निजको पारिश्रमिक निर्धारण गर्ने लगायतका अन्य प्रस्ताव रहेका छन् ।
९१.४९ प्रतिशत सरकारको स्वामित्व रहेको कम्पनीमा ४.४४ प्रतिशत सर्वसाधारण, ४.०४ प्रतिशत कर्मचारी र ०.०३ प्रतिशत नागरिक लगानीकोष सेयरको छ ।
चालु आर्थिक वर्षको पहिलो त्रैमाशमा ४ अर्ब ५ करोड रुपैयाँ खुद नाफा गरेको छ । कम्पनीको प्रतिसेयर आम्दानी १०८ रुपैयाँ, प्रतिसेयर नेटवर्थ ६४३ रुपैयाँ र मूल्य आम्दानी अनुपात ६.२४ गुणा छ । कम्पनीको जगेडा कोषमा ८१ अर्ब रुपैयाँ छ ।