ओमले हकप्रदमा अवितरित संस्थापक समूह तर्फको ४६ हजार ८२ कित्ता र सर्वसाधारण समूहतर्फको २ लाख ६ हजार ५ सय ८७ कित्ता सेयर लिलामी ल्याएको छ । बैंकले कात्तिक २६ गतेसम्म ३० प्रतिशत हकप्रदमा अवितरित सेयर लिलाम बढाबढमा विक्री गर्न लागेको हो ।
इच्छुक लगानीकर्ता व्यक्ति वा संघसंस्थाले न्यूनतम १०० रुपैयाँ मूल्य राखी साधारणतर्फको न्यूनतम १०० कित्ता तथा संस्थापक तर्फको सेयरको लागि न्यूनतम एक हजार कित्ताका लागि आवेदन दिन सक्ने बताइएको छ ।
बैंकको सेयर बिक्री प्रबन्धक एनआइबिएल क्यापिटल रहेको छ । बिक्री प्रबन्धकको काठमाण्डौ लाजिम्पाटस्थित मुख्य कार्यालय, ललितपुरको लगनखेलस्थित शाखा कार्यालय, ओम डेभलपमेन्ट बैंक लिमीटेडका पोखरास्थित केन्द्रीय कार्यालय र बुटवलस्थित शाखा कार्यालयकाय आवेदन बुझाउन सकिनेछ ।
त्यस्तै नेपाल इन्भेष्टमेन्ट बैंकका विराटनगर, सुर्खेत, वीरगञ्ज, नेपालगञ्ज र धनगढीस्थित शाखा कार्यालयबाट शिलबन्दी बोलपत्र पेश गर्न सक्नेछन् ।
चालू आर्थिक बर्षको प्रथम त्रैमासिक अवधिमा बैंकले तीन करोड ७४ लाख रुपैयाँ खुद नाफा कमाएर प्रतिसेयर आम्दानी ९ रुपैयाँ ११ पैसा कायम गरेको छ । बैंकका सेयरमूल्य आईतबार प्रतिकित्ता २४४ रुपैयाँ हाराहारीमा कारोबार भैरहेको छ ।
उता एक्सेलको १८ हजार २८६ दशमलव ५० कित्ता साधारण सेयरमा लिलामी भर्ने पनि आईतबार नै अन्तिम दिन रहेको छ । बैंकले असोज १८ देखि कात्तिक २१ गतेसम्म ५० प्रतिशत हकप्रदमा अवितरित सेयर लिलाम बढाबढमा विक्री गर्न लागेको हो ।
लिलामी सर्कान इच्छुक लगानीकर्ताले बिक्री प्रबन्धक एस क्यापिटल तथा एक्सेल डेभलपमेन्ट बैंकको कार्यालय विराटनगर र विर्तामोडबाट शिलबन्दी बोलपत्र पेश गर्न सक्नेछन् ।
धितोपत्र बोर्डले काठमाडौं बाहिरका सात शहरबाट लिलामी आवेदन बुझ्न दिएको निर्देशन अनुसार नेपाल इन्भेष्टमेन्ट बैंकका वीरञ्ज, पोखरा, बुटवल, नेपालगञ्ज, सूर्खेत र धनगढी शाखाबाट समेत यस लिलामीमा आबेदन बुझाउन सकिनेछ एस क्यापिटलले जनाएको छ ।
लगानीकर्ताले न्यूनतम १०० रुपैयाँ वा सो भन्दा बढी मूल्य तोकि शिलबन्दी बोलपत्र पेश गर्न सक्नेछन् । न्यूततम १०० कित्तादेखि अधिकतम सबै कित्ताका लागि आवेदन दिन पाइनेछ ।
चालू आर्थिक बर्षको प्रथम त्रैमासिक अवधिमा बैंकले तीन करोड १५ लाख रुपैयाँ खुद नाफा कमाएर प्रतिसेयर आम्दानी ३२ रुपैयाँ ८१ पैसा कायम गरेको छ । बैंकको सेयरमूल्य आईतबार प्रतिकित्ता ३८६ रुपैयाँ हाराहारीमा कारोबार भैरहेको छ ।
दुबै बैंकको विक्री प्रबन्धकले तोकिएका सबै लिलामी संकलन केन्द्रहरुबाट बोलकबोल आवेदन विक्री प्रबन्धकको कार्यालयमा प्राप्त भएपछि बोलपत्र खुला गरिने मिति, समय र स्थानको सार्वजनिक सूचना प्रकाशित गरि जानकारी दिने उल्लेख गरेका छन् ।
