शाइन रेसुङ्गाले अम्रपाली कटेज एन्ड रेष्टुरेन्ट बुटवलमा पुस २२ गते हुने ९ अाैं साधारण सभाका लागि पुस १० गतेदेखि बुक क्लोज गर्दैछ । बैंकको पुस २२ मा हुने साधारण सभाले गत आर्थिक बर्षको ३४ करोड ९६ लाख २० हजार रुपैयाँ खुद नाफाबाट (१७%) २७ करोड ५७ लाख २३ हजार एक सय रुपैयाँ बोनस वितरण गर्ने प्रस्ताव गरेको छ ।
बैकले बोनस सेयरमा लाग्ने कर तिर्न नगद लाभांश प्रस्ताव नगरेकाले बोनसमा लाग्ने कर भने सेयरधनीले नै तिर्नुपर्नेछ । सभामा शाइनले जारी तथा चुक्ता पुँजी वृद्धि गर्ने र सोही बमोजिम प्रबन्धपत्रमा संशोधन गर्ने अर्को विशेष प्रस्ताव पनि पेश गर्दैछ ।
एक अर्ब १० करोड २८ लाख रुपैयाँ चुक्ता पूँजी रहेको बैंकको २५ प्रतिशत बोनसपछि एक अर्ब ३७ करोड रुपैयाँ नाघ्नेछ । चालू आवको पहिलो त्रैमासमा बैंकले ६ करोड ५० लाख ९६ हजार रुपैयाँ खुद नाफा कमाएको छ । आइतबार बैंकको सेयरमूल्य प्रतिकित्ता सेयरमूल्य ३९६ रुपैयाँ हाराहारीमा रहेको छ ।
...{शाइन रेसुंगाको बोनस राष्ट्र बैंकद्धारा स्वीकृत}..
यसैगरी महिला सहयात्रा लघुवित्तको पुस २८ डाकेको पाँचौ साधारण सभाका लागि सोमबारदेखि बुकक्लोज गर्ने भएकाले आईतबारसम्म काय सेयरधनीले मात्र बोनस पाउनेछन् ।
लघुवित्तले मकवानपुरको चित्लाङ्गमा हुने साधारण सभामा गत बर्षको ८९ लाख १४ हजार रुपैयाँ खुद नाफाबाट लघुुवित्तले पाँच प्रतिशत बोनस सेयर र बोनस सेयरको कर प्रयोजनका लागि ६० लाख ५० हजार रुपैयाँ नगद लाभांश वितरण गर्दैछ ।
१२ करोड १० लाख रुपैयाँ चुक्ता पूँजी रहेको कम्पनीको बोनसपछि १२ करोड ७० लाख ५० हजार रुपैयाँ चुक्ता पूँजी पुग्नेछ । चालू आर्थिक बर्षको प्रथम त्रैमासमा कम्पनीले २५ लाख ५७ हजार रुपैयाँ खुद नाफा कमाएर प्रतिसेयर आम्दानी ८ रुपैयाँ ४६ पैसा कायम गरेको छ । आइतबार कम्पनीको सेयरमूल्य प्रतिकित्ता सेयरमूल्य ८६६ रुपैयाँ हाराहारीमा रहेको छ ।
यसैगरी किसान माइक्रोफाइनान्स वित्तीय संस्थाको पनि बोनस सेयर र लाभांश सुरक्षित गर्ने आज अन्तिम दिन हो । पुस ११ गतेदेखि कम्पनीले बुक क्लोज गर्ने मिति तोकेकाले आइतवारसम्म सेयर खरीद गर्नेहरुले बोनस प्राप्त गर्न र साधारणसभामा सहभागी हुन पाउनेछन् ।
माईक्रोफाइनान्सले होटल मुनबुन कैलालीमा पुस २४ गते साधारण सभा आह्वान गरेको छ । सभामा लघुवित्तले गत आर्थिक वर्षमा कमाएको एक करोड ४३ लाख ६० हजार रुपैयाँ खुद नाफाबाट २५ प्रतिशत बोनस सेयर वितरण गर्ने तथा कर प्रयोजनका लागि १.३२ प्रतिशत नगद लाभांश वितरण प्रस्ताव अनुमोदन गर्देछ ।
तीन करोड २२ लाख रुपैयाँ चुक्ता पूँजी रहेको कम्पनीको बोनसपछि चार करोड दुई लाख ५० हजार रुपैयाँ चुक्ता पूँजी पुग्नेछ । यसअघि कम्पनीले २४.२२ प्रतिशत हकप्रद विक्री गरिसकेकाे छ यसकाे पूँजीकरण पछि कम्पनीकाे पूँजी थप ७८ कराेड रूपैयाँ बढ्नेछ ।
चालू आर्थिक बर्षको प्रथम त्रैमासमा कम्पनीले १२ लाख ११ हजार रुपैयाँ खुद नाफा कमाएर प्रतिसेयर आम्दानी १५ रुपैयाँ ०४ पैसा कायम गरेको छ । आइतबार कम्पनीको सेयरमूल्य प्रतिकित्ता सेयरमूल्य २३६१ रुपैयाँ हाराहारीमा रहेको छ ।
