कम्पनीले साधारण सभामा शतप्रतिशत हकप्रदपछि कायम भएको चुक्ता पूँजी ७८ करोड रुपैयाँको १२.८२ प्रतिशत (१० करोड रुपैयाँको) बोनस वितरण प्रस्ताव गरेको छ । बोनसमा लाग्ने कर प्रयोजनका लागि कम्पनीले ०.६७ प्रतिशत बराबरको ५२ लाख ६३ हजार १५८ रुपैयाँ नगद वितरण गर्नेछ ।
त्यस्तै संस्थापक सेयरधनीको तर्फबाट प्रतिनिधित्व गर्ने चार जना सञ्चालकहरुको निर्वाचन गर्ने, चालू आवको लेखापरिक्षक नियुक्ति गर्ने तथा पारिश्रमीक तोक्ने, र नियामक निकायले दिएको निर्देशन अनुरुप कम्पनीको प्रबन्धपत्र तथा नियमावलीमा संसोधन गर्ने तथा सञ्चालक समितिलाई अख्तियारी प्रदान गर्ने लगायतका प्रस्ताव रहेका छन् ।
कम्पनीको बोनस मंसिर २८ गतेसम्म कायम सेयरधनीले प्राप्त गर्नेछन् । बोनस वितरण पछि इन्स्योरेन्सको चुक्ता पूँजी ८८ करोड रुपैयाँ पुग्नेछ । बीमा समतिको निर्देशन अनुरुप कम्पनीले थप १२ करोड पूँजी वृद्धि गर्नुपर्ने देखिन्छ ।
चालु आर्थिक वर्षको प्रथम त्रैमासमा लुम्बिनी जनरल इन्स्योरेन्सले तीन करोड नौं लाख रुपैयाँ खुद नाफा कमाएर प्रतिसेयर आम्दानी १५ रुपैयाँ ८४ पैसा कायम गरेको छ । इन्स्योरेन्सले यस अवधिमा २१ करोड ५० लाख खुद बीमा शुल्क आर्जन गरि ९ करोड ९६ लाखको भुक्तानी गरेको छ ।
इन्स्यारेन्सको जगेडा कोषमा १२ करोड ५३ लाख तथा बीमा कोषमा ३४ करोड १५ लाख रुपैयाँ रहेको छ । ३२ हजार १३० बीमा लेखबाट ३० करोड ७७ लाख रुपैयाँ कुल बीमा शुल्क आर्जन गरेको छ । उसको नविकरण गरिएको बीमालेखको संख्या चार हजार ७१० वटा रहेको छ ।