गत आर्थिक वर्षको कमाईबाट लगानीकर्तालाई बितरण गर्ने प्रतिफलको प्रस्ताव पारित गर्न बोलाइएको साधारण सभाका लागि १२ बैंकहरुले सेयरधनी पुस्तिका बन्द गरेका हुन् । अरु वाणिज्य बैंक मध्ये केहीले बोनस प्रस्ताव गरे पनि अधिकांसको लाभांस प्रस्ताव हुन बाँकी छ । १२ बैंकहरु मध्ये बोनस तथा नगद गरी नबिल बैंकले सबैभन्दा धेरै लाभांस बितरण गरेको छ । सबैभन्दा थोरै लाभांस बितरण गर्नेमा लक्ष्मी बैंक परेको छ । वाणिज्य बैंकहरुले बितरण गरेको लाभांस तथ्यांकमा हेर्नुहोस् ।-फोटोमा क्लिक गर्नुहोस् । (Green = Bonus, Red = Cash, Blue = Total)
बैंकहरुले उल्लेखित लाभांस बितरण गर्दा बोनस सेयर समायोजन भैसकेको छ । उक्त सेयर मूल्य समायोजन भए पश्चात सानिमा बैंकको सेयर मूल्य केही माथि गएको देखिन्छ । बाँकी ११ वटा बैंकहरुको सेयरमूल्य निरन्तर ओरालो लागेको तथ्यांकले देखाउँछ ।
यो तथ्यांकले लगानीकर्ताहरुले पाउने लाभांसको हाराहारीमा दोस्रो बजारको सेयरमूल्य तल झरिसकेको संकेत गर्छ । यसको मतलव यो हो कि, बोनस तथा लाभांसको खबरले उचालिएर सेयर खरिद गर्नेहरु अहिले नोक्सानीको अवस्थामा पुगेका छन् । केही बैंकहरुले मात्र बोनस सेयर डिम्याट खातामा पठाएको अवस्थामा धेरै बैंकहरुको सेयर लगानीकर्ताले पाउन बाँकी छ ।
सिटिजन्स बैंकको सेयर मूल्य समायोजन भए पश्चात प्रतिकित्ता सेयर मूल्य झण्डै १० प्रतिशतले तल झरेको छ । तथ्यांकमा हेर्नुहोस्, बोनस समायोजन भए पछि कुन् बैंकको सेयरमूल्य कति घट्यो ? -फोटोमा क्लिक गर्नुहोस् ।