नेपाल स्टक एक्सचेञ्जले बोनस समायोजन गरि लघुवित्तको प्रतिकित्ता सेयरमूल्य २५५४ रुपैयाँ निर्धारण गरेको छ । १८० दिनको सेयर कारोबारको आधारमा कम्पनीको औसत आधारमूल्य १३२७ रुपैयाँ कायम भएको छ ।
लघुवित्तले पुस २७ गते होटल जुगल धुलिखेलमा विहान ११ बजे पाँचौं बार्षिक साधारण सभा बोलाएको छ । सभामा गत आर्थिक बर्ष कमाएको ७० लाख पाँच हजार रुपैयाँ नाफाबाट २० प्रतिशत बोनस तथा कर प्रयोजनका लागि १.०५ प्रतिशत नगद लाभांश वितरण गर्ने प्रस्ताव गरेको छ ।
त्यस्तै बोनसपछि कायम हुने चुक्ता पूँजीको २५० प्रतिशत (एक बराबर दुई दशमलव पाँच कित्ता ) हकप्रद जारी गर्ने प्रस्ताव समेत गरेको छ । हकप्रदको बुक क्लोज भने कम्पनीले पछि प्रकाशित गर्नेछ ।
दुई करोड रुपैयाँ चुक्ता पूँजी रहेको कम्पनीको बोनसपछि दुई करोड ४० लाख पुग्नेछ भने २५० प्रतिशत हकप्रदपछि उसको पूँजी ८ करोड ४० हजार कायम हुनेछ ।
चालू आवको प्रथम त्रैमासमा कम्पनीले दुई लाख ६९ हजार रुपैयाँ खुद नाफा कमाएर प्रतिसेयर आम्दानी पाँच रुपैयाँ चार पैसा कायम गरेको छ । लघुवित्त कम्पनीको सेयर मंगलबार प्रतिकित्ता ३०६५ रुपैयाँमा कारोबार भएको थियो ।
