ग्रीन डेभलपमेन्ट बैङ्कले चुक्त्ता पूँजी १० कराेड रूपैयाँको १ बराबर ४ को अनुपातमा प्रति शेयर एक सय रूपैयाँ अङ्कित दरको ४० लाख कित्ता हकप्रद शेयर निष्कासन गर्न लागेको हो ।
हकप्रदका लागि बैंकले पुस १६ गते बुक क्लोज गर्ने भएपनि बुकक्लाेजकाे अघिल्लाे शेयर कारोवार हुने दिनसम्म कायम सेयरधनीले मात्र हकप्रद भर्न पाउने हुनाले पुस १६ गते अाइतबारसम्म शेयर खरीद गर्नेहरूले मात्र हकप्रद लागि आवेदन दिन सक्नेछन् । हकप्रद शेयर खरीदका लागि बैङ्कको शेयर निष्कासन तथा विक्री प्रबन्धक लक्ष्मी क्यापिटल मार्केट्स रहेको छ ।
बिक्री प्रबन्धकको कार्यालय र ग्रीन डेभलपमेण्ट बैङ्कका शाखाहरूमा आवेदन फर्म उपलव्ध हुने छ । यसका साथै नेपाल धितोपत्र बोर्डबाट इजाजत प्राप्त आस्वा सेवामा सहभागी बैङ्क तथा वित्तीय संस्थाहरूबाट आवेदन दिन सकिनेछ ।
हाल बैंकको चुक्तापुँजी १० करोड रुपैयाँ रहेको छ । ४ सय प्रतिशत हकप्रद शेयर निष्कासनपछि बैङ्कको चुक्तापूँजी ५० करोड रुपैयाँ पुग्नेछ । बैंककाे सेयर अाइतबार प्रतिकित्ता ५४८ रूपैयाँ हाराहारीमा काराेबार भएकाे छ ।