यही पुस तेस्रो साताबाट शाहले सेञ्चुरीमा प्रमुख कार्यकारीको जिम्मेवारी सम्हाल्ने तयारी गरेका थिए । तलबको विषयमा कुरा नमिले पछि शाह सेञ्चुरी छाडेर नबिलतर्फ लागेका हुन् ।
राष्ट्र बैंकको व्यवस्था अनुसार सेञ्चुरीमा थोरै तलब पाउने भएकाले धेरै तलबका लागि शाहले नबिल बैंक रोजेका हुन् । उनलाई सञ्चालक समितिले ४ वर्षका लागि प्रमुख कार्यकारीमा नियुक्त गरेको हो ।
मेगामा ८ वर्ष प्रमुख कार्यकारी भए पछि शाह नबिल फर्किएका हुन् । त्यस अघि उनी नबिल बैंकमा नै प्रमुख कार्यकारी अधिकृत थिए ।
नबिल बैंक भित्रको आन्तरिक विवादका कारण तत्कालीन प्रमुख कार्यकारी अधिकृत शसिन जोशीले कार्यकाल पुरा नहुँदै पदबाट राजिनामा दिएका थिए । जोशीको राजिनामा आए लगत्तै बैंक सञ्चालक समितिले शाहलाई प्रमुख कार्यकारीमा अघि सारेको हो ।
व्यवस्थापन सन्तुष्ट नभए पछि जोशीले फागुन ५ गतेदेखि आफु बैंकमा नरहने व्यहोराको राजिनामा गरेका थिए । शाहले सोही दिनदेखि प्रमुख कार्यकारीको जिम्मेवारी सम्हाल्ने बताइएको छ । शाहले नबिलबाट नै बैंकिङ करियर सुरु गरी प्रमुख कार्यकारी बनेका थिए ।
