इन्स्योरेन्सले संस्थापक र साधारण सेयरको अनुपात ५१ः४९ कायम गर्न उक्त परिमाणको एफपीओ बिक्री गर्न लागेको हो ।
कम्पनीको एफपीओमा पुस १६ गतेदेखि पुस १९ गतेसम्म आवेदन गर्न सकिनेछ । लगानीकर्ताले न्यूनतम दश किता अर्थात ७ हजार ९९० रुपैयाँदेखि अधिकत्म ३ हजार २९० किता अर्थात २६ लाख २८ हजार ७१० रुपैयाँ बराबरको आवेदन दिन पाउनेछन् ।
इन्स्योरेन्सको एफपीओ निष्काशनकर्ता एनएमबि क्यापिटल रहेको छ । लगानीकर्ताले आफ्नो खाता रहेको आश्वा सेवा प्राप्त सबै बैंक तथा वित्तीय संस्थाबाट आवेदन दिन पाउनेछन् ।
अहिले इन्स्योरेन्सको चुक्ता पूँजी ४४ करोड ८५ लाख ४ हजार रुपैयाँ रहेको छ । एफपीओ निष्काशन पश्चात कम्पनीको चुक्ता पूँजी ५१ करोड ४४ लाख ६० हजार रुपैयाँ पुग्नेछ । एफपीओ बिक्रीपछी इन्स्योरेन्सको चुक्ता पूँजी ६ करोड ५९ लाख ५६ हजार रुपैयाँले बढ्नेछ । त्यस्तै उसको जगेडाकोषमा ४६ करोड १० लाख रुपैयाँ जम्मा हुनेछ ।
पूँजी वृद्धि सँगसँगै हामी नयाँ नयाँ योजना पनि ल्याउँदैछौं: सुदुयम्न प्रसाद उपाध्याय
दोस्रो बजारमा यस कम्पनीको साधारण सेयरको मूल्य १३८६ रुपैयाँ हाराहारीमा रहेको छ । गत बर्षको लाभांश पनि बितरण हुन बाँकी रहेकोले एफपीओमा सेयर पाउनेले उक्त लाभांस समेत पाउनेछन् । कम्पनीले जम्मा साढे ६ लाख कित्ता एफपीओ निष्कासन गरेकाले सबै आवेदकलाई दश कित्ता बाढ्नु पर्ने भएकाले दश कित्ताका लागि मात्रै आवेदन गर्नु राम्रो हुनेछ । धेरै आवेदक हुने भएकाले दश कित्ता सेयर पाउन पनि गोलाप्रथाको भर पर्नुपर्ने छ ।