नेप्सेले हकप्रदलाई समायोजन गरि कर्णाली बैंकको सेयरमूल्य प्रतिकित्ता १४० रुपैयाँ निर्धारण गरेको छ । विहिबार यहि मूल्यलार्इ अाधार मानेर बैंककाे सेयर काराेबार खुलेकाे छ ।
बैंकको १८० दिनको सेयर कारोबारका आधारमा औसत आधारमूल्य १८७ रुपैयाँ निर्धारण भएको नेप्सेले जनाएको छ ।
बैंकको हकप्रद शेयरको विक्री प्रबन्धक प्रभु क्यापिटल रहेको छ । बैंकले साविकका शेयरधनीहरुलाई एक बराबर दुई दशमलव पाँचको अनुपातमा एक सय रुपैयाँ अंकित दरको ३३ लाख ९७ हजार पाँच सय कित्ता हकप्रद निष्काशन गर्न लागेको हो ।
बैंकले हकप्रद निष्काशनका लागि विहीबार शेयरधनी पुस्तिका बन्द गरेकाले बुधबारसम्म कायम रहेका सेयरधनीले मात्र हकप्रद पाउनेछन् ।
बैंकको असार ३ गते सम्पन्न विशेष साधारण सभाले २२५ प्रतिशत हकप्रद जारी गर्ने प्रस्ताव पारित गरेको थियो । १५ करोड १० लाख रुपैयाँ चुक्ता पूँजी रहेको कर्णालीको ३३ करोड ९७ लाख ५० हजार रुपैयाँको हकप्रद विक्रीपछि ४९ करोड ७ लाख रुपैयाँ चुक्ता पूँजी पुग्नेछ ।