ग्रामीण विकास बैंकले कार्यक्षेत्र विस्तार गर्दे, नाम पनि परिवर्तन गर्ने

Jan 13, 2018 merolagani

नेपाल ग्रामीण विकास बैंक (NGBBL) ले आफ्नो कार्यक्षेत्र विस्तारका साथै बैंकको नाम परिवर्तन गर्ने भएको छ । पौष २८ गते बुटवलमा सम्पन्न साधारणसभाले यस्तो प्रस्ताव पारित गरेको हो । केही समय अगाडि एफपीओ बिक्री गरेको बैंकले कुनै लाभांस प्रस्ताव विना साधारणसभा बोलाएको थियो ।

 

साधारण सभाले संस्थाको नाम परिवर्तन लगायत प्रबन्धपत्र तथा नियमावलीका विभिन्न दफा, उपदफा संशोेधनको विषेश प्रस्ताव समेत पारित गरेको बैंकका प्रमुख कार्यकारी अधिकृत पर्वत कुमार कार्कीले जानकारी दिए ।

साथै कार्कीले मर्जर पश्चात बैंकको समग्र वित्तीय अवस्थामा उल्लेखनिय सुधार भईरहेको र आगामी दिनमा कार्यक्रम नपुगेका थप जिल्लाहरुमा नियमन व्यवस्था अनुरुप शाखा स्थापना गरी आफ्नो सेवा तथा कार्यक्रम विस्तार गर्ने बताए ।

साधारण सभाले सञ्चालक समितिको प्रतिवेदन, आर्थिक वर्ष २०७३/०७४ को लेखा परिक्षकको प्रतिवेदन, वासलात, नाफा नोक्सान हिसाव, नगद प्रवाह तथा अन्य वित्तीय विवरण पारित गरेको छ ।

यस राष्ट्रिय स्तरको लघुवित्त विकास बैंकमा नेपाल सरकार, नेपाल राष्ट्र बैंक, अन्य बैंक तथा वित्तीय संस्थाहरु एवं सर्वसाधारणहरुको शेयर स्वामित्व रहेको छ ।

बैंकले गत भदौ २७ देखि भदौ ३० गतेसम्म ९ करोड ७५ लाख रुपैयाँ बराबरको ९ लाख ७५ हजार कित्ता एफपीओ बिक्री गरेको थियो । एफपीओ बिक्रीपछि बैंकको चुक्ता पुँजी ६५ करोड ५० लाख रुपैयाँ पुगेको छ ।

बैंकले लक्षित वर्गका महिला सदस्यहरुलाई समूहमा आवद्ध गराई लघु व्यवसाय तथा लघुउद्यम परियोजनाहरु सञ्चालन गरी स्व–रोजगारीको अवसर सृजना गर्न विना धितो सामूहिक जमानीमा लघु कर्जा प्रदान गर्दै आइरहेको छ ।

यसरी प्रयोग गर्नुहोस डाटा एनालिटिक्स

comments powered by Disqus

बैंकहरु व्याजदर घटाउने चटारोमा, २० मध्ये बचतको व्याज कुन बैंकमा थोरै ?

Jun 22, 2018

नेपाल बैंकर्स संघले व्याजदरका सम्बन्धमा गरेको निर्णय अनुसार बैंकहरुले धमाधम व्याजदर घटाउन थालेका छन् । अर्थमन्त्रालय तथा नेपाल राष्ट्र बैंकको चासो अनुरुप संघले सबै बैंकका प्रमुख कार्यकारीहरुसँग सहमति जुटाए पछि बैंकहरु धमाधम व्याजदर घटाउने अभियानमा लागेका हुन् ।